Skip to main content

Kingulliulluni nersornaasigaq

Hotel Arctic, Kalaallit Nunaanni Avatangiisit pinngoritarlu pillugit nersornaatilittut taagorsinnaalerpoq 

Namminersorlutik Oqartussat 2011-mi Avatangiisinik Pinngortitamillu Mianerinninneq pillugu akissarsititsinissaasa tallimassaat kingullersaallu ataasinngorpat februaarip 6-ani 2012 Hotel Arctic-imut tunniunneqassaaq. 

 

Akissarsiaq 20.000 kr.-inik naleqartoq qulequtaqarpoq ”Nukimmik atorluaanissamik suliniutit aamma avatangiisinik pitsanngorsaataasumik nukimmik ataavartumik atuineq”.

- Ilulissani Hotel Arctic ukiorpassuarni avatangiisimik mianerittuusimavoq. Nunatsinni hotelini kisiartaalluni Horestap avatangiisimut allagartamik tunniuttagaanik ”The Green Key”-mik pissarsinikuuvoq. Hotelip avatangiisimut politikia ukiut ingerlanerini ingerlaavartumik inerisarneqarpoq, 2010-milu hoteli annertuumik alloriaqqippoq, tassa nalunaarusiaq ”Nukimmik pitsanngorsaaneq Hotel Arctic”, ilaatigut ingerlatsinikkut sipaarnernik immikkoortunilu arlalinni CO2-mik annikillisaanernik nassuiaateqartoq. Taamaalilluni 2011-miit hotelip CO2-mik ajoqusiisinnaanini 106 tonsinik innaallagiamillu atuinini 23 %-mik annikillisippai. 

- Hotelillu illuutai tallimat, hotelimut ilisarnaatalersimasut ingerlaavartumik nutarterneqartartut, naggataatigut kiassarnermut innaallagiamullu seqernup qinngorneri kisimik atorneqalissallutik. Illu siulleq 100 %-imik seqernup qinngorneranit nukimmik atuilereerpoq.

Nunamut Namminermut, Pinngortitamut Avatangiisinullu Naalakkersuisup Anthon Frederiksenip Hotel Arctic-imut akissarsititsineq taama tunngavilersorpaa..

Inuit, suliffeqarfiit kattuffiilluunniit tamatsinnik pinngortitamik avatangiisimillu mianerinninnissatsinnik ilisimaarinnilersitsisut imaluunniit Kalaallit Nunaanni suliniuteqarnermikkut avatangiisitsinnik pitsanngorsaataasumik iliuuseqarsimasut nersorniarlugit akissarsiaq tunniunneqartarpoq.

2011-mi Avatangiisinik Pinngortitamillu Mianerinninneq pillugu akissarsiaq immikkoortunut marlunnut agguarneqarpoq: 

 

  • Ilisimatitsinikkut avatangiisinik paasisimasaqarnerulersitsineq”
  • ”Nukimmik atorluaanissamik suliniutit aamma avatangiisinik pitsanngorsaataasumik nukimmik ataavartumik atuineq”

 

2011-mi akissarsisut siulliit tassaapput Niels-Henrik Lynge, Tasiusaq vandrehjem Jørgine aamma Otto Frederiksenimit aqunneqartoq, Carsten Egevang aammalu Mogens Bisgaard Kofoed.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER