Skip to main content

KNI pisortaanermik atorfinitsitsivoq

KNI'mi pisortap issiavianut ingittussaq Danmarkimi suliamik ingerlatsilluartut ilagaat

Marsip aallaqqaataani niuernermik pilersuinermik ingerlatsivik KNI A/S'mut pisortanngussaaq Claus Jensen 57-inik ukiulik. 

Lars Møller-Sørensen atorfianit paarlassavaa, taassuma Søren Mortensen 2011-mi septembarip naajartornerani atorfimminit qimatsimmat pisortaaniugallartutut atuukkaluarpoq.

Claus Jensen danskit tuniniaanermik suliallit akornanni isiginiarneqartuuvoq, ilaatigut ulluinnarni atugassanik pisiniarfeqarfimmi Fakta A/S'imi angusani pillugit, taassumammi pisortaanerani 2008-miit 2008-mut kaaviiaartitat marloriaammik amerlivai 8 milliardinngortillugit assorsuarlu kinaassutsimik ersarissaalluni. 

 

Ukiuni 30-t miss. pisortatut suliffeqartarnermini, suliassaqarfimmi pisortaanerit misilittagaqarnerpaat ilagaat. Kingullermik pisortaaneruffigaa aningaasaateqarfiit pigisaat naalungiarsunnut pisinniarfeqarfik Babysam A/S.

Aningaasaliisinnaasut attaveqaqatigai, attaveqaqatigiit pituttorsimanngitsut tuniniaasullu arlalippassuit attavigai aamma soorlu Dansk Erhvervip siulersuisuini aamma Huset Markedsføringip sinniisoqarfii ilaasortaaffiginikuuai. Maannakkullu Dansk Selskab for Virksomhedsledelsemi ilaasortatut suleqataalluni.

- Siulersuisut aallaqqaammullu pingaartippaat pisortaaninngortussaq niuernermik ingerlatsinermik piginnaaneqarluassasoq tassanerpiaq KNI nukittorsartariaqaratsigu, siulersuisunut ilaasortaq Michael Skourup oqarpoq.

Kalaallit pikkorissut pisortat akornanni 

- Pisiniartutta niuernerminni pitsaasunik misigisaqarnissaat anguniarparput Claus Jensenimik atorfinitsitsinikkut taassuma piginnaasai aqqutigalugit ulluinnarnik atugassanik niuernermik ingerlatsinerput nukittorsarniarparput, Michael Skourup naqissusiivoq.

- Tamakkua saniatigut Claus Jensenip suliffinni sulisut naammagisimaarinninnerat aamma ineriartoqqinnissaat assut isiginiartarpaa, taannalu tunngavigalugu siulersuisut kissaatigaat kalaallit pikkorissut KNI'p suliffeqarfissuani pisortat akornannut ineriartortinneqarnissaat qulaakkeerneqassasoq. 

- Aamma siornatigut takutittareerpaa siunniussaqarluni pilersaarusiullaqqinnini aqqutigalugu suliffeqarfissuarni assigiinngitsorpassuarnik sammiveqarluni sulialinni, angusarissaarneq siumukarnerlu - Pilersuisumi ukiuni aggersuni ineriartortitsinissami aqutsisoq taamaattoq atorfissaqarteqaarput, Michael Skourup oqarpoq. Atorfinitsitsineq misissuilluaqqaarluni aammalu arlallit akornanni toqqaalluni ingerlanneqarpoq. Siulersuisunit pisortanngortumik pitsaasumik suleqateqarnissarput qilanaaraarput, Michael Skourup oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER