Skip to main content

Taamaattumik hash ajornartorsiutigaarput

Nunatsinni hashimik atuineq inuiaqatigiinni akuerisaanera kingunipiloqarpoq, atornerluisunik katsorsaasoq oqarpoq

Ikiaroornartoq hash pillugu akuersaarpallaalersimavugut. Ilaatigut taamaammat atornerluineq annertuvoq aamma naartusut meerartaaqqammisullu akornanni. 

Grethe Kramer Berthelsen Nuummi Katsorsaavimmi ukiuni qaangiuttuni taamaattut katsorsartariaqartut amerliartuinnartut naapippai. 

KNR’ip radioavisianit oqaluttuaq una pissarsiaraarput.

 

Katsorsaavimmi Nuummiittumi  imigassamik hash-imik aningaasanoornermillu pinngitsuuisinnaanngitsunik ukiumut 75-nik katsorsartittoqartarpoq. Taakkunannga qulit missaaniittut naartuusut imaluunniit erneqqammersut ukiumut qulit katsorsartittarput,  piffissap ilaani qanigisaasut aamma katsorsartittarlutik. Naartusut erneqqammersulluunniit peqqinnissaqarfiup suliniutaannit naartusut siusinaarluni iliuuseqartarnerannit katsorsartinnissaannut innersuunneqartarput.

- Ukiut kingullit marluk pingasut naartusut erneqqammersullu katsorsartittut amerliartorput, Grethe Kramer Berthelsen oqarpoq, Nuummi Katsorsaavimit oqarpoq.

Taassuma naatsorsuutigaa naartusut meerartaaqqammersulluunniit suli amerlanerusut hashimik atuisuussasut.

Grethe Kramer Berthelsen isumaqarpoq inuiaqatigiinnut paasissutissiineq pitsaanerusinnaasoq.

- Paasisitsiniaaneq annikippallaarpoq. Kikkut tamarmik sikaritsit ulorianartuusut annerusumik minnerusumilluunniit ilisimasaqarfigaat, hashili suli ulorianarneruvoq. Tamakkiisumilli isumaqarpunga hashi pillugu inuiaqatigiinni paasissutissiineq annikippallaartoq, Grethe Kramer Berthelsen Radioavisimut oqarpoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER