Skip to main content

Nordisk Rådimi Issittoq sammineqassaaq

issittumi avatangiisit, issittumi nunat naligiissuunerat issittormiullu atugarissaarnerat oqaluuserineqassapput Nordisk Rådi ukioq manna siullermeersumik sammisaqarluni ataatsimiippat 

Nunat avannarliit maanna Issittoq iluamik samminialerpaat.

Marsip 23-ianni  Nordisk Rådip ataatsimiinnerani, Reykjavikimi Altingimit toqqaannartumik internettikkut aallakaatinneqartussami, Issittumi unammillgassarpassuit oqaluuserineqassapput.

Qitiusumik sammineqartussat tassaapput ineriartornerup siuarsarnissaa aammalu inuit issittumi najugallit inuuniarnermi pitsaasumik atugassaqarnissaasa qulakkeernissaa.

Nordisk Rådip sammisaqarluni ataatsimiinnermini innuttaasut pisinnaatitaaffiisa pisariaqartitaasalu oqimaaqatigiinnerat nassaariniassavaa kiisalu issittumi pinngortitap sunnertiasup illersorneqarnissaanut aaqqiissutissat, taamatut allappoq norden.org.

- Tamanna pingaaruteqarpoq, pissutigalugu issittumi pinngortitap pisuussutaasa atorneqarnissaannik soqutiginninneq nunarsuarmi tamarmi annertusiartormat aammalu siunissami issittumi assartuinermut aqqutit atornissaannut soqutiginninneq annertusissammat, Tina Bostrup, Nordisk Rådimeersoq, nassuiaavoq.

Ataatsimiinnissaq ullormik ataatsimik sioqqulugu, marsip 22-ianni, Nordisk Rådip atuakkiortunut nersornaasiuttagaata 2012-imi kimut tunniunneqassanersoq tamanut saqqummiunneqassaaq. Nunatsinneersoq Tungutaq Larsen nersornaammut ataqqinaataasumut 350.000 koruuninik aningaasartalimmut piukkunneqartut ilagaat.

Issittoq pillugu sammisaqarluni ataatsimiinneq Nordisk Rådip Reykjavikimi marsip 21-ianni 22-iannilu ataatsimiinnerata kingorna ingerlanneqassaaq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER