Narsami inuusuttut ornittagaat nutaaq

Pingasunngormat ualikkut Narsami inuusuttut ornittagaat nutaaq "Qaqqavaarsuk" atoqqaartinneqarpoq

Taaguutaa ”Qaqqavaarsuk” viceborgmesterimit Kiista P. Isaksenimit atsiisumillu Mathæus Godtfredsenimit uleerneqarpoq. Assi: John Rasmussen, Narsaq Foto

Pingasunngormat ualikkut Narsami inuusuttut ornittagaat nutaaq atoqqaartinneqarpoq. Assi: John Rasmussen, Narsaq Foto Hedvig aamma Juliane Oleeraq Nielsen peqatigalugu guitarerlutik erinarsorlutillu aliikkusersuipput. Assi: John Rasmussen, Narsaq Foto Taaguutaa ”Qaqqavaarsuk” viceborgmesterimit Kiista P. Isaksenimit atsiisumillu Mathæus Godtfredsenimit uleerneqarpoq. Assi: John Rasmussen, Narsaq Foto Pingasunngormat ualikkut Narsami inuusuttut ornittagaat nutaaq atoqqaartinneqarpoq. Assi: John Rasmussen, Narsaq Foto Hedvig aamma Juliane Oleeraq Nielsen peqatigalugu guitarerlutik erinarsorlutillu aliikkusersuipput. Assi: John Rasmussen, Narsaq Foto Taaguutaa ”Qaqqavaarsuk” viceborgmesterimit Kiista P. Isaksenimit atsiisumillu Mathæus Godtfredsenimit uleerneqarpoq. Assi: John Rasmussen, Narsaq Foto Pingasunngormat ualikkut Narsami inuusuttut ornittagaat nutaaq atoqqaartinneqarpoq. Assi: John Rasmussen, Narsaq Foto

John Rasmussen, Narsaq

sisamanng 02. uki 2012 09:14

Annonse

Narsaq nutaamik inuusuttunut ornittagartaapoq.

Illu 2001-mili kissaatigineqarlunilu pilersaarutigineqartoq kiisami naammassivoq.

Kommune Kujallermi borgmesterip Simon Simonsenip illu inussuttut ornittagaata aqutsisuanut Marie Isbosethsenimut tunniuppaa illup paarilluarneqarnissaanik oqaaqqissaarluni.

Aamma nalunaarutigaa kommunit kattunneqarmatali ingerlatsivik siullersaalluni tamakkiisumik kommunimit aningaasalerneqartoq. Inuusuttut illutaanerannik pilluaqquai neriuutigalugulu inuusuttut pitsaasumik ornittagaqalernerat Narsamu tiluaqutaassasoq. Aamma klubbimi siunnersuisooqatigiit 5.000 koruuninik tunissuteqarfigai.

Oqaaseqareermat Kommune Kujallermi kultureqarnermut sunngiffimmullu ataatsimiititaliap siulittaasua borgmesterip tullia Kiista P. Isaksen oqalugiarpoq.

Ornittakkamik nutaamik peqalernermut pilluaqqusivoq maluginiaqqulluguli illu aamma illoqarfinni innuttaasunut tamanut nunatsinni kulturip siuarsarneranut atorneqassasoq:

- Inuusuttut ilaat nukittuujupput, ilaallu sanngiinnerullutik. Tamaaattumik tamatta ikioqatigiinnissaput pingaartuuvoq, taamaalillutik nukilaannerusut ajornartorsiuteqalerunik ikiorneqarsinnaallutik.

Aamma siuliini kommunalbestyrelsiusarsimasut marluk sulisimanerannut qutsavigai, taakkumi illup piviusunngornissaanut tunngaviliisimapput.

Kultureqarnermut sunngiffimmullu ataatsimiititaliamit inuusuttut ornittagaani ini nipilersortarfik tumerparpaanik nutaanik tunineqarpoq.

Inuusuttut ornittagaasa atissaanik unammisitsisoqarsimavoq. Taamaalilluni qatserisartoq Mathæus Godtfredsen Qaqqavaarsummik ateqalernissaanut eqquivoq Brugsenimut 500 koruunit nalinganut pisisinnaalluni, illullu Qaqqavaarsuunneranut peqqutalluni illu qaarsumi nunamit nuisasumi tunngaveqarmat.

Inuusuttut ornittagaat illussanik titartaasarfimmit Kitaani titartarneqartoq 325 kvadratmeteriuvoq kiisalu 32 kvadratmeterimik queqarluni. Sanaartornermut aningaasartuutit katillutik 8,2 million koruunit missaanniipput.

Suli ilisimaneqanngilaq ornittagatoqaq sumut atorneqassanersoq imaluunniit isaterneqassanersoq.