Skip to main content

Mammografiscreening avoqqaaraa

Professorip iviangit seqersittaataat atorlugit misissuinerit, ilisimatuussutsikkut misissuinernit paasisat kusassakkat tunngavigalugit ingerlanneqarnerarlugit avoqqaarai

”Asasakka Arnat: Iviangisi seqersillugit (mammografiscreening) misissortillaanasigit. Annerusumik iluaqqutissaqanngilaq, illuatungaani oqaatiginngisanik kingunipiloqarpoq. "

Atuakkiami nutaami '”Mammografiscreening: truth, lies and controversy”, oqariartuut tupaallaataaqaaq. Atuagaq professor Peter Gøtzsche, Det Nordiske Cochrane Centerimi pisortap, nunani tamalaani saqqummersitsivik Radcliffe Publishing aqqutigalugu saqqummersippaa. 

Allattoq videnskab.dk.

Atuagaq siullermik arnat iviangimik seqersittarneqarnissaannik neqeroorfigineqartussat, iviangiminnik "sassaalliuteqarnissaminnik" aalajangertussat siunnerfigalugit allataavoq. Neqeroorfiginninnerli misissuinernik suliniummik ingerlatsisut akisussaasuinut aamma iluaqqutissartaqarpoq.

Ukiuni aqqaneq-marlunni sammisaq pillugu ilisimatuussutsikkut allaaserisanik misissuinerup inerneratut, nunani ivianginik seqersittaalluni (mammografiscreening) misissiunerit iluaqqutaassusaat Peter Gøtzschep atuakkiamini nalilerpaa. Sverigemi periuseq isiginiarpaa, nunarsuarmi siullersaalluni eqqunneqarpoq taamaattumillu ilisimatusarfigineqarnerpaajulluni. 

 

Iluaqqutaassusia ingasaappaat
Peter Gøtzsche'p atuakkami tunngavilersorpaa, sooq ivianginik misissortinnissaq iluaqqutaannginnersoq.  

Pisortat iluaqqutissatut oqaatigisaat, nammineq ilisimatuullu allat namminerisaminnik paasiniagaannut assersuuppai - isertuutinngilaalu peqqinnissaqarfinnik oqartussaasut iluaqqutitut naliliinerat namminnerlu inerniliinertik assigiinngeqisut.  

Nunani peqqinnissaqarfinni pisortat arnat seqersittarneqarnissaannik kajumissaarisut tunngavilersuisarput, iviangimikkut kræfteqarlutik toqusartut 30 procentimik appartinneqarnissaannut iluaqqutaassasoq. 

Atuakkami nutaami ilisimatooq inerniliivoq, taamak misissuinermik suliniuteqarnermi ingerlatsinermi, arnanit 2000-nit misissukkanit ataaseq iviangimigut kræfteqarluni toqunissaraluanit annanneqartartoq.

Peter Gøtzsche naapertorlugu isumaqarpoq, iviangit seqersittarlugit misissuineq iviangikkut kræfteqarlutik toqusut 0,05 procentiinnaanik ikilisitsisartoq.

- Iviangit seqersittarlugit misissuisarneq iluaqqutissaqarsorinanngilaq, pissutigalugu arnat peqqissut amerlasoorpassuit iviangimikkut nappaatissarsiugaasut iviangimikkut kræfteqaratik allanilli toqquteqarsinnaanerat allisarneqartarmat, soorlu uummallunnermik imaluunniit allakkut kræfteqarnerit peqqutaalissagamik.   

- Illuatungaanimi arnat peqqissut qulit seqersittartinnermikkut akornusertarput, arnat 2000-t kræfteqarsoralugit misissuinerni - misissortissimanngitsuugunik inuunerminni taamaalisussaanngikkaluarlutik akornuserneqartarput, videnskab.dk'mut oqaluttuarpoq.

Sermitsiaq.AG akuerisaalluni atuakkamit ”Ny bog: Mammografi-screening baseret på manipuleret forskning”, allaaserisaq uannga atorsinnaatitaavaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER