Qaqugukkut piitsuusoqartarpa?
Sivert K. Heilmann aamma Knud Kristiansen, Atassut qaqugukkut piitsut ataani inissisimasoqartarneranik apeqquteqaateqarput
- Misissorneqarsimanerluni inuiaqatigiinni piitsuussutsip ataani qasserpiaat inuunersut
- Misissorneqarsimanerluni meeqqat piitsuussutsip ataani qanoq amerlatigisut inuunersut?
- Misissorneqarsimanerluni nunatsinni sumiiffikkaartumi sorlerni piitsuussutsip ataani inuusoqarnersoq?
- Misissorneqarsimanerluni utoqqalinersiaqartut/siusinaartumik sulisinnaajunnaarnersiutillit piitsuussutsip ataani qanoq amerlatiginersut?
- Qanoq pilertortigisumik Naalakkersuisut apeqqutigineqartunut iliuuseqarnissamut suliniuteqarniarpat?
Paragraf 37 aqqutigalugu apeqqutit Atassutip Inatsisartunut ilaasortaatitaannit Sivert K. Heilmann aamma Knud Kristiansenimit apeqqutigineqarput.
Apeqquteqaatitik imannak tunngavilersorlugit:
- Akileraartarnermut atugarissaarnermullu ataatsimiititaliarsuup isumaliutissiissutaani saqqummiunneqarnikuuvoq nunatsinni innuttaasut 15 %-it EU-p piitsuussutsip killigititai ataallugit inuusut, taamaattumillu nalunaaruteqartoqarnera ilumoorpat Atassut-miit akuersaarsinnaannginnatsigu nunatsinni piitsuussutsip ataani inuusoqarnera isumaqarlutalu piaarluinnartumik tamanna qaangerniarneqartariaqartoq.
- Taamaattumik Atassut-miit Naalakkersuisunut apeqqutigerusupparput qulaani apeqqutit imaannaanngitsut pillugit suliaq sumut killinnersoq, Sivert K. Heilmann aamma Knud Kristiansen allapput.