Skip to main content

Inuusuttut suliffissaaleqinerat isiginiarneqarpa

Siumut paaserusuppaa inuusuttut suliffissaaleqinerat naalakkersuisunit qanoq pilersaaruteqarfigineqarsoq  

  • Kalaallit Nunaanni inuusuttut 25 inorlugit ukiullit pinngitsoornatik suliffeqarnissaannik qularnaveeqqummik Naalakkersuisut aallartitsilersaarpat?
  •  

    Inuusuttut 25 inorlugit ukullit suliffeqarnissaannik qulakkeerneqanngippata, tamanna qanoq ataatsimoortumik kinguneqaateqassava?

  • Inuusuttut 25-it inorlugit ukiullit suliffissaannik qulakkeerneqarnerat qanoq ataatsimoortumik aningaasaqarnermut kinguneqaateqassava? 

  • Nunani avannarlerni naalakkersuisut inuusuttut suliffissaaleqinerisa akiorneqarnissaannut ataatsimoorussamik nunat avannarliit periusissaannik ineriartortitsinissamut nunarsuarmioqataanermullu atatillugu suliffissaqarnikkut ineriartortitsinermi unammilligassat pillugit Nunani Avannarlerni Siunnersuisoqatigiit kaammattuutaannut Naalakkersuisut qanoq suleqataalersaarpat?

 

 

Inatsisartunut ilaasortaq, Kim Kielsen, Siumut paragraf 37-kkut apeqquteqaatigai.

Apeqquteqaatini tunngavilersorlugit:

- Ukiuni kingulliunerusuni inuusuttut amerlanerugaluttuinnartut suliffissaqannginneq imaluunniit ilinniarsimannginneq pissutigalugu inuiaqatigiit ineriartornerisa avataani inississimasut amerliartuinnarnerat Nunani Avannarlerni Siunnersuisooqatigiit maluginiarpaat. 

- 2011-mi ataatsimeersuarnermi Nunani Avannarlerni Siunnersuisooqatigiit siunnersuut A 1510 Nunani avannarlerni ataatsimoorussamik inuusuttut suliffissaqannginnerannut akiuiniarnissamik
imaqartoq akuersissutigaa. Inuusuttut ilinniagaqarlutillu inuiaqatigiit ineriartornerannut inuulluataarnitsinnullu ilapittuinissamut tunngatillugu imminnut pilersornissamut ilinniarnissaat immikkut pingaarutilittut suliniuteqarfissatut isigineqarpoq, Kim Kielsen tikkuaavoq.

- Suliffissaaleqineq nammineq innuttaaqataasup sulisartutut inuuneranit peqataatitsinnginnerullunilu naammaginartumik kissarsiaqarsinnaaneranit peqataatitsinnginneruinnarani ingammik inuusuttut suliffissaaleqisarnerat inuusuttut inuunerminnik sinnerani suliffeqarnermut attuumassuteqarnerannut annertuumik kinguteqaateqartartoq, Kim Kielsen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER