Dronningip eqqumiitsuliai nalilersorneqartut

Dronning Margrethe, eqqumiitsulianik saqqummersitsisarfimmi Arkenimi saqqummersitai naammaannartumik nalilerneqarput. Eqqumiitsuliortoq pikkorissoq Jyllands-Posten allappoq

Snedronningen 1997-1999 Assi: JJ Film
Dronning Margrethe'p eqqumiitsuliai assigiinngitsumik isumaqarfigineqarput. Suliat 135't Københavnimi Arkenimi saqqummersinneqarput. Assi: Arken
"Modlys", 1997, Assi: Arken, Anders Sune Berg
Dronning Margrethe Arkenimi saqqummersitsivoq. Assi: Arken
Stort Skrog 2011. Assi: Arken, Anders Sune Berg
"Modlys", 1997, Assi: Arken, Anders Sune Berg Dronning Margrethe Arkenimi saqqummersitsivoq. Assi: Arken Stort Skrog 2011. Assi: Arken, Anders Sune Berg Snedronningen 1997-1999 Assi: JJ Film Dronning Margrethe'p eqqumiitsuliai assigiinngitsumik isumaqarfigineqarput. Suliat 135't Københavnimi Arkenimi saqqummersinneqarput. Assi: Arken "Modlys", 1997, Assi: Arken, Anders Sune Berg Dronning Margrethe Arkenimi saqqummersitsivoq. Assi: Arken Stort Skrog 2011. Assi: Arken, Anders Sune Berg Snedronningen 1997-1999 Assi: JJ Film Dronning Margrethe'p eqqumiitsuliai assigiinngitsumik isumaqarfigineqarput. Suliat 135't Københavnimi Arkenimi saqqummersinneqarput. Assi: Arken "Modlys", 1997, Assi: Arken, Anders Sune Berg

Dronningip eqqumiitsuliaanik naliliiniarnermi 100 procentimik kinaassusersiunnginnissaq ajornarpoq. Taama isertuaatsigisumik oqarpoq Tom Jørgensen, Jyllandspostenip eqqumiitsulianik naliliisartua, Arken Museum for Moderne Kunstimi saqqummersitsinermik ammaanermi. Taamaakkaluartoq Berlignskemeersoq Torben Weirup peqatigalugu saqqummersitsinermik ”Farvens Sjæl - Dronning Margrethe II's kunst" nalilersuiniarput. Dronning Margrethe’p kiunik 40-nngortorsiorneranut atatillugu saqqummersitsineq aaqqissuunneqarpoq.

Katersugaasivimmi saqqummersitsinermut alakkaasut ilaatigut takusassaraa suliat ”knokkel’inik” taaguusikkat, dronningip nammineq oqarnerasut qalipaat sungaartoq naqqaralugu takorluukkamik assilialiat eqqumiitsut.

Tom Jørgensen naaepertorlugu eqqumiitsuliat pitsaanerpaatut taaneqarsinnaanngillat isumaqarporli assilissat isiginnaarlugit oqiliallannartut aammalu kingunissaqarluartutut misinnartut. – Knoklit pissutaallutik dronningip kusassagaannarnik qalipaasarneranik isumaqarunnaarsitsivoq, Tom Jørgensen allappoq.

Eqqumiitsulianik naliliisartup naliliinermini ullorianik arfinilinnit ullorissat pingasut dronningip eqqumiitsuliaanik naliliinerminut tunniuppai. Naak naliliineq naammaginarpianngikkaluartoq dronningi nersualaarlugu. – Qanorluunniit oqartoqassagaluarpat Arkenimi saqqummersitsinikkut naqissuserneqarpoq dronningi inuusoq nalinginnaanngitsoq assigiinngitsunik piginnaanerpassuaqartoq. Dronningi uagut danskiusut tulluusimaarutigisassarput.

Berlingskep dronningip eqqumiitsuliai pillugit aamma allaaserinnippoq. Torben Weirupip dronningip suliai nuannarineruai ullorissanik arfinilinnit saqqummersitat sisamanik ullorialermagit. Taanna isumaqarami ukiut ingerlanerini dronningi eqqumiitsuliortutut pikkorisserujussuartoq, qangaanerusoq nammineq oqarnerasut sanapalaartarunnaarluni. Taamaattumik naliliisartoq isumaqarpoq dronningip Arkenimi saqqummersitsinera pissusissamisoortoq.

- Ukiut arlallit matuma siorna nuannariinnarlugu sapaatikkullu qalipaasartut qaangereerpai eqqumiitsuliortutut saqqummiukkusutat ilisimasaqarfigalugit ersersinniartarpai, taanna allappoq. Saqqummersitsineq arfininngornermi ammassaaq aatsaallu taama dronningip suliai amerlatigisut takutinneqassallutik.

Powered by Labrador CMS