Skip to main content

Nunatta OLT siulittaasuuffigilerpaa

Ataasinngormat nunat OLT-mik aaqqissuussivigineqartut misiniteriisa ataatsimiinneranni Kalaallit Nunaat 2012-imi siulittaasussatut toqqarneqarpoq

OLT-landene, EU-Kommissionen og de fire medlemsstater - Danmark, Frankrig, Storbritannien og Holland – holdt efter overdragelsen af OLT-formandskabet til Grønland i mandags det årlige OLT-forum.

 

Nunat OLT-mik taagorneqartut, EU Kommissioni nunallu ilaasortaasut sisamat, tassaasut Danmark, Frankrig, Tuluit Nunaat Holland-ilu, ataasinngornermi pisarnertut ukiumoortumik OLT-imi ataasinngormat pisumi ataatsimeersuarput.

 

Naalakkersuisut Siulittaasuata Kuupik Kleistip, Montserrats-ip Naalakkersuisuisa siulittaasuanit Reuben Meade-mit siulittaasuuffigineqarsimasoq siulittaasuuffigilerpaa.

 

Nunaata inuit 2,5 millionit imarpissuit pingasut tassaasut Manerassuaq, Indiap imarpia Atlantikulu 2012-imi siuttuuffigissavai. Tassunga tunngatillugu OLT-EU ataatsimiinnissamut Ministerillu ataatsimiinnissaannut nunatsinnit aaqqissuunneqartussamut Kalaallit Nunaat inunnut 100-t missaanniittunut qaaqqusisuussaaq EU-mi nunat ilaasortaasut sisamat, OLT-mi ilaasortat aallartitaat, EU-kommissioni, EU Kommisærit Ministerillu 2012-mi Kalaallit Nunaannut ataatsimiigiarlutik tikissapput.

 

Danskit Naalakkersuisuisa Nunanut allanut Ministeriat Villy Søvndal Danmark-ip aammalu EU-mi Danmarkip siulittaasuunerata aallartitaatut OLT-EU suleqatigiiffiani ataatsimiinnermut peqataavoq.

- Tamanna oqaluttuarisaanermut ilannguppoq siullerpaamik danskit ministerianit OLT-EU suleqatigiiffiani ataatsimiinnermi peqataaffigineqarmat, tamatumalu takutippaa Danmarkip tungaanit Kalaallit Nunaat OLT-lu pingaartinneqarnerat., namminersorlutik oqartussanit tusagassiivinnut nalunaarutigineqarpoq. 

Nunatta suliniutai
- Ministerit ataatsimiinneranni Kuupik Kleistip oqalugiarnermini pingaartillugu oqaatigaa OLT pillugu saqqumilaartuunissaq qanoq pisariaqartiginersoq tamannalu Kalaallit Nunaata siulittaasuunerani salliutinneqarumaartoq. Naalakkersuisut Siulittaasuata aamma ersarissarpaa suli avatangiiseq silaannaallu allanngoriartornera kiisalu aningaasarsiornikkut ineriartortitsinissaq eqqumaffigissallugu pisariaqartoq ilisimatitsissutigalugulu Kalaallit Nunaat siulittaasuunermini minguinnerusumik tunngaveqarluni ineriartortitsineq qulequtaralugu sulinissani pilersaarutigalugu. OLT-mi ilinniartitaaneq, inerisaaneq ilisimatusarnerlu Kalaallit Nunaata siulittaasuunermini pingaartillugu suliuniutigineqarnissaat oqaatigaa oqariartaaseq una ilisarnaatitut atorlugu: "How Cool is Green? - Discover it in Greenland 2012." - " Kingunissalimmik ineriartortitsineq - Kalaalit Nunaanni 2012-mi paasiniaruk”.

Kuupik Kleistip siulittaasunngornermi oqalugiaatini naggarsipaa oqarluni, Suleqatitsinnik suleqateqarnitsinni politikkikkut saqqumilaarnissaq piumasaqaatiginiarparput. Saqqumilaarnikkut paasissutissiisarnerit amerlanerunerata sulianut piginnittooqataaneq ataatsimuussuseqarnerullu sakkortunerulerneranik kinguneqartussaammat.

- Tamanna periarfissaavoq anguniartariaqartoq, Kuupik Kleist oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER