Skip to main content

Greenpeace'p Mærsk ikiorniarpaa

Greenpeacemit isumaqartoqarpoq Mærksip uuliamik ujaasinera unitsittariaqartoq. Sulisut computerspilinik pinnguaqqullugit kajumissaarneqarput

- Ujaraannarneq atortoqarneq ujarassaaleqinermit unitsinneqanngilaq pitsaanernilli atortussiornitsinnit. Aamma taamaattariaqarpoq uuliamut tunngatillugu.

Taama Henrik Beha Pedersen, Greenpeacemi sulissuteqarnissani pisortaq oqarpoq. Sisamanngornermi ullaap tungaa illersuiniaqatigiit A.P. Møller-Mærskip qullersaqarfiata Esplanaden Københavnimiittup saavanut katersuupput, Mærskimi sulisut computerspilimik The Oil Race spilleqataanissaannut kajumissaariartorlutik.

Spil taanna ima aaqqissuussaavoq pinnguarnermi umiarsuarsuaq uuliamik usisoq imartakkut sikoqaqisukkut sikorsuarmut aportinnagu ingerlatinniassallugu, aportoorpammi inuit ajunaarsinnaapput uuliamillu mingutsitsisoqarluni. Kajumissaarut videomik seqersitsissut atorlugu Esplanadenip iigarsuanut seqersimaartinneqarpoq.

- Mærskip pisariaqartippaa eqqaasinneqassalluni piffissamut naleqquttuunerup suuneranik. Uuliamik ujaasinissaq pineqanngilaq, kisiannili aningaasaliinerit nukimmik ataavartumik pilersitsiniarnermut atorneqartariaqartut, Henrik Beha Pedersen oqarpoq. 

Greenpeace isumaqarpoq Mærskikkormiut killup tungaanut ingerlasumik eqqarsarlutik uuliamik ujaasiniinnartut naak silap pissusaanut iluaqqutaanerungaartumik nukissiutissamut nuunniarsinnaagaluarlutik.

Greenpeacep tunngavilersuutigaa, Mærsk Greenpeacemit 2011 ingerlanerani arlaleriarluni saaffigineqartartoq oqarsimaneragaavoq, taamani naalakkersuisuut aammalu maanna naalakkersuisut isumaat EU nunanik allat isumaat apeqqutaatinnagit gassinik ulorianartunik aniatitsinerup 20 - 30 procentimik annikillisarneqarnissaat tapersersunngikkitsik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER