Skip to main content

Unnuk ataaseq qillerisoq

Kuultitut isikkulik imerpalasoq meeqqanit milluarneqarpoq

- Naagga! Æv, allami ujaasissagunarpunga!

Taama ilaatigut nipeqarpoq Nuummi umiarsualivimmi uuliasiornermik ingerlatsiviup Shellip allaffiani.

Allaffiup pisortaa Trine Jensen eqqarsaqqissaarpasilluni nikorfavoq. Taama nillerneranut uuliasiorluni qillerineq millioninik hornorujunik arlallinnik nalillip ajutoorneranik pissuteqanngilaq. Taamatungajalli.

Arfininngornermi unnukkut kulturisiornermut atatillugu Shell inersimasunut meeqqanullu alapernaatsunut aaqqissuussisimavoq takutinniarlugu, imerpalasumik qernerujuttumik nalitoqisumilli ujaasineq qanoq ingerlasarnersoq. 

Ujaraaqqani qatsinnersani kaasarfiusannguaqarpoq imerpalasumik imalimmik. Milluaassutinnguaq atorlugu meeqqat qatsinnersamiit ammut ingerlaartitsissapput, milluaassut atorlugu imerpalasumik pissarsiniassallutik. 

Sammisami susoqarnersoq videomi uani isiginnaaruk.

Iluatsitsisoq imerpalasumik milluaassooq aappillareqqissaamik nasannassaaq, nunat tamalaat uuliasiornermik ingerlatseqatigiiffiannit, taanna siorna ukiassakkut Nuummi allaffeqarfeqarlerpoq.

Shellip nunatsinni allaffeqarfeqalerneranut pissutaavoq Kalaallit Nunaanni aatsitassanik piianissamut periarfissanik pitsaasunik paasiniaaneq. Suliffeqarfissuup pisinnaatitsissutit avannarpasinnerpaat ilaanniittoq pissarsiaraa Baffinip Kangerliumanersuaniittoq, suleqatigiiffimmik suliffeqarfiit arfineq-marluk aallat ilaatigut Mærsk, Statoil aamma Gas de Franze peqatigalugit aallarniilluni.

Siorna aasakkut Shell Savissivik aamma Kullorsuaq misissuinissaminnik pilersaarutitik pillugit oqalugiariartorfigaat, aggustimi juulimilu, imartami pisinnaatitsissummik peqarfigisaminnik misissueqqaarnerit aallartippaat, imartami Upernavimmit hornoruju kilometerinik ungasissusilimmi.

Ukioq manna Shell immap naqqani sajuppillatsitsinernik ingerlatsissaaq pisinnaatitsissummik peqarfitsik ilisimasaqarfiginerujumallugu.

- Tamatuma kingorna qillerinissanut piffissanngornersoq aalajangiutissavarput, imaassinnaavoq tamanna 2015 ingerlanneqarsinnaasoq. Uuliamik qillerneqarsinnaasumik nassaassagaluarutta aatsaat ukiut qulit qaangiuppata tunisassiorneq aallartissinnaassaaq, Shellimi Kalaallit Nunaanni ingerlatani pisortaq Hesham Hendy ataatsimeersuarnermut »Joining Forces«, Sermitsiap septembarimi 2011-mi nalunaaruteqarfigisaani oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER