Skip to main content

Aatsitassalerisoq flødebollenik eqqaasoq

Arctic Base Supply maluginngitsoorneqarsinnaanngilaq  

Aatsitassarsiornermik suliassaqarfimmi eqqagassalerineq, angallassineq aamma imermik pilersuineq.

Tamakkuupput Arctic Base Supplys suliassaasa ilaat, nalinginnaasumik meeqqanit soqutigineqarneq ajortut, taamaattorli Nuummi unnuk kulturisiorfik ingerlanneqarnerani meeqqat inuillu meerarpaluttut aatsitassalerinermik suliffeqarfiup saqqummersitsiviat alapernaaserluarpaat.  

Suliffeqarfik pilersinneqaqqammisoq eqqarsarluarsimavoq. Flødebollenik milloortartumik sanasimagamik. 

Milloortarfimmi arsaq putumut putoqqutsikkaanni flødebolle eqqugassaavoq. Eqquisoqaraangat eqqugaq silaannakkoortarpoq. Akorneqarsinnaalluni, allaffiup matuanut kavaajamulluunniit tulluni.

Videomi uani takuuk eqquisut pingasut qanoq iluatsitsilluartiginersut.

Kevin Telling aamma Kistaaraq Telling, flødebollenik miloriartartup immernissaannik suliassinneqarsimapput  - mamangernertik pissutigalugu imminnut eqqugassanngortittarpulli aamma. 

Arctic Base Supply pillugit paasissutissaq:
Arctic Base Supply tassaavoq aatsitassarsiornerup iluani ataatsimoorussamik Royal Arctic A/S aamma mærskimit pigineqartup Danbor Service A/S'ip ingerlatsiviat. Arctic Base Supply, Nuummi qullersaqarfeqartoq Aasianni allaffeqarpoq. 2010-mi ingerlatsiviup skottit uuliasiortut suleqatigiinnissamik isumaqateqarfigaat. Tapertaallutik suliassaralugit iluarsartuussineq, angallassineq, inuttaliineq, imermik ikummatissamillu pajuttorneq, eqqagassalerineq aamma umiarsualivinni suliassat. Suliassat allanit pisiaralugit ingerlanneqartarput, piginneqatigiiffinnit marlunnit piginnittuusunit amerlanerpaartaatigut suliarineqartartunik.   

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER