Skip to main content

Immikkoortitsineq akuerineqarsinnaanngilaq

Innuttaasut ajornartorsiortut kommunerisaminni pitsaasumik ikiorneqarsinnaannginnerat eqqortuusinnaanngilaq, Kattusseqatigiit Partiiat nalunaarpoq

  • Sooq innuttaasut ajornartorsiortut ikiorneqarsinnaanngillat kommunerisaminni illoqarfimmi allamiitillutik? 
     
  • AJornartorsiut qaangerniarlugu naalakkersuisut qanoq iliulersaarpat? 

Paragraf 37 naapertorlugu Knud Fleischer Kattusseqatigiit Partiiat sinnerlugu Inatsisartunut ilaasortaq marlunnik apeqquteqarpoq. 

- Kattusseqatigiit Partiiaanniit siuliani apeqqutit innuttaasup saaffiginnineratigut ingerlateqqippavut. Innuttaasoq taanna kommunerisamini illoqarfimmut allamut nuuppoq suliffissaqarnerummat.  

- Inuk taanna kommunip allaffianut saaffiginnippoq ikioqqulluni, ukiuunerani suliffissaqannginnami, suliffissat ajornarmata, akineqarporli illoqarfimmi allami najugaqarmat ikiorneqarsinnaanngitsoq, naak kommunip iluaniikkaluarluni. 

- Saaffiginnissutaa illoqarfigisaannut innersuunneqaannarpoq, Knud Fleischer nassuaavoq, oqarluni saaffiginnittoq susinnaanngitsoq imaaliallaannaq utersinnaannginnami aningaasat peqqutigalugit, taamaalilluni saaffiginnittoq kommunerujussuarmit immikkoortinneqartutut misigisimalluni, tamannalu Kattusseqatigiit Partiiata akissutiserusuppaa. 

Kattusseqatigiit Partiiata kissaatigaa naalakkersuisut nassuiaateqarfigissavaat, naalakkersuisut qanoq iliulersaarnersut innuttaasut immikkoortinneqannginnissaat qulakkeerniarlugu, paasissutissiissutigalugulu ajornartorsiortoqartillugu suut periarfissaanersut.  

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER