Skip to main content

Utoqqarnik suliniut finalimut annguppoq

Europap avannaamiut utoqqarnik suliniutaat O4O, Kalaallit Nunaata peqataaffigisaa, EU-Kommissionip nersornaasiuttagaanut ataqqinaataasumut RegioStars-imut finalertussatut toqqarneqarpoq 

Pingasunngormat Kommuneqarfik Sermersuumeersup Rosemarie Elsnerip skotlandimiullu suliniutip pisortaata Kate Stephenip, NNP-mi suliniut "Older people for older people" (O4O), aalajangiisartunut, EU-p suliniutaanik, nersornaasiuttakkamut ataqqinaataasumut RegioStars-imut inassutigineqarsimasunut, naliliisussanut tunniuppaat.

EU-p pilersaarummut suleqatigiiffiani Northern Periphery Programme-mut, NPP, Kalaallit Nunaat 2002-miilli peqataasimavoq. Suleqatiginnerup taassuma iluani Nunatsinnit tamarmit kattuffiit suliniutinut peqataasimapput, suliniutini tamakkunani tunisassiat nutaaliorfiusut ineriartortinneqassallutik, avannaani isorliunerusunut ilaqutaasumik.

Suliniut O4O siunertaqarpoq utoqqaanersut inuunerisa pitsaassusaasa pitsanngorsarnissaat, peqqissusertik attatiinnarniassammassuk pisarnermillu sivisunerusumik angerlarsimaffimminni najugaqaannarlutik. Misissorneqarsimavoq utaqqaat qanoq ikiorneqarsinnaanersut imminnut ikiornissaannut. Kalaallit Nunaanni misissuisoqarsimavoq Nuummi, Tasiilami, Paamiuni, Ittoqqortoormiini kiisalu nunaqarfinni Arsummi, Kuummiuni, Kulusummi Qeqertarsuatsiaanilu.

Suliniut transnationaliusoq
Suliniut transnationalimik taaneqartarpoq, suliniullu aamma Skotlandimi, Irlandimi, Sverigemi Finlandimilu nunat immikkoortuini arlalinni sammisaqartitsisimavoq. Taamaasilluni nunanit arlalinnit peqataasut imminnut ilikkarnissaminnut periarfissaqarsimapput Suliniut maanna naammassivoq, angusalli nunat immikkoortuini oqartussaasunit suli atorneqassapput.
RegioStars-imik siunertaavoq nunap immikkoortuata ineriartortinneqarnerani suliniutinik pitsaasunik nassaarniarnissaq. Suliniutit immikkut immikkoorutillit nutaaliorfiusullu, nunat immikkoortuinut allanut pilerinartut isumassarsiornartullu, sammineqarput. RegioStars ukiut tallimassaa tunniunneqassaaq, suliniutillu 107-t nersornaasigassatut inassutigineqarsimapput.

Suliniutinit inassutigineqartunit 24-it finalimut anngupput, O4O-lu finalertut ilagaat.

Immikkoortoq immikkut nutaaliortoq, suliniummik finalimut anngutsitsisoq, tassaasimavoq utoqqaat kiffartuussinernik utoqqarnut allanut ilusinersuillutillu pilersuisimanerat. Tamanna dommerit maluginiarsimavaat.

Nersornaammik RegioStarsimik ajugaasoq juunip 14-ianni "Regions for Economic Change"-mi ataatsimeersuareernerup kingorna tamanut saqqummiunneqassaaq.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER