Kiffartuussineq killilimmik atuuppoq

Januaarip aallaqqaataa 2010 aallarnerfigalugu, inuiaqatigiinni kiffartuussinissamut eqqartuussisinnaaneq eqqunneqarpoq amerlanngitsulli taama pillarneqarput

Assi: Leiff Josefsen

Kangerlussuarmi isertitsiviugallartup ukiup ataatsip matuma siorna pisortanit matuneqarnerata kingorna, pineqaatissinneqarsimasut inissiisarfiinut utaqqisut amerlerujussuarput.

Nunatsinni Pinerluttunik Isumaginnittut pisortaa Thomas Nicolajsen isumaqarpoq, inuiaqatigiinni kiffartuussineq Kalaallit Nunaanni atorneqarnerusariaqartoq.

Tom Ostermann, Illersuisut peqatigiiffianni siulersuisunut ilaasortap, inuiaqatigiinni kiffartuussinissamik pineqaatissiineq atuutilermalli ataasiaannarluni misigaa illersukkami taamatut pineqaatissinneqarnera, KNR tusarliivoq.

- Ataasiaannarlugu iluatsinneranut pissutaasunut ilaavoq, unnerluussisut pisussaaffigisaat, tassaasoq eqqartuunneqartup eqqartuunneqannginnerani taassuma inuttut tunuliaqutaanik misissuisannginneri, tassalu tamanna tunuliaqutigalugu eqqartuussiviit inissiisarfinnut pineqaatissiisarneri amerlavallaartut, Tom Ostermannip oqaatigaa.

Atuaruk "Utaqqisoqarnera tamanit isorineqarpoq"

Atuaruk "Amnesty aalassassimaarpoq"

Pineqaatissinneqarsimasut 296-it inissiisarfinni inissaqalernissartik utaqqivaat. Politikkikkut oqartussat ataatsimeeqatigeereernerisa kingorna paasinarsivoq piffissami qaninnermi tamanna aaqqiissutigineqassanngitsoq.

Sapaatip akunnerani AG saqqummersoq pisiariuk - inissinneqarnissaminnut utaqqisut kisitsisitai, qisuariaatit allallu atuarlugit. AG qarasaasiannut uani pisiariuk:

Powered by Labrador CMS