Skip to main content

Robin Hood Eqqartuussiviit qullersaanni

Angut Kleist Nanortalimmeersoq ullumi pingasunngornermi Eqartuussiviit qullersaannut sassartinneqassaaq aningaasat kukkusumik kontominut ikisat 421.500 koruunit atorsimanerat pillugu eqqartuunneqassalluni 

Angut Kleist Robin Hooditut Nanortalimmeesutut ilisimaneqarnerusoq ullumikkut pingasunngornermi Københavnimi Eqqartuussiviit qullersaanni eqqartuunneqassaaq. 

Tamanna pivoq Østre Landsretimi akunnerni 100-ni inuiaqatigiinni sullissisussatut eqqartuunneqarnermi kingorna kiisalu katsorsartittussatut aamma eqqartuunneqarluni, naak illoqarfiup eqqartussiviani pinngitsuutinneqaraluarluni. 

Suliami pineqartoq tassaavoq 421.500 koruunit Angut Kleistip atorsimasai aningaaseriviup BRF Bankip 2008-mi kukkunikkut aningaaserivimmi kontuanut 1,3 million koruunit ikimmatigik. 

Aningaasat taakku Angut Kleistip ilaatigut angallammik pisissutigai, ilaquttani tamaasa oqarasuaatitaartillugit angallattakkanik minnerunngitsumillu kujataani illoqarfimmi inuit amikkisaartut tunioralugit. Angut Klest taamaaliornermini "Robin Hoodimik" taaguuteqalerpoq.

Marloriaq kinguartinneqarpoq
Pingajussaa Eqqartuussiviit qullersaanniu suliaq sularineqassaaq. 

Oktobarip 14-ani 2011-mi eqqartuussisuuneq Per Walsøe eqqartuussisooqataalu ulloq taanna sivikitsuinnarmik sulipput aappassaa naalagaaffimmi eqqartuussiviit qullersaanni Angut Kleistip eqqartuunneqarnissaa kinguartinneqarmat, illersuisua Wilhelm Malling nuallummat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER