Skip to main content

Qallunaat nunarput ilinniartariaqarpaat

Aviisip Informationip Kalaallit Nunaanni naalakkersuinikkut siuttut nutaat aqqutigalugit nunami naalakkersuinikkut pissutsit nutaat oqaluttuariniarpai 

Kalaalerpassuit Danmarkimi naalakkersuinikkut pissutsit ilisimalaarlugillu annertuumik ilisimasaqarfigaat, qallunaarpassuilli nunatsinni naalakkersuinikkut pissutsinik ilisimasaqanngivillutik, taamaalaat ilisimasarpaat naalakkersuinikkut kanngunartuliornerit, pissaanermik atornerluinerit inuttullu ajornartorsiutit ukiupassuarni nunatsinni naalakkersuineq eqqartorneqartillugu sungiutiinnakkat. 

Kisianni Kalaallit Nunaanni piffiit nutaat atulersimappat juunimi 2009-mi maannakkut naalakkersuisut nutaat atulerneranni? 

Tamanna aviisip Informationip atuartartuminut oqaluttuariniarpaa inuit nuimasut pingasut oqaluttuarineranni, tassalu naalakkersuisut siulittaasuat KuupikKleist, aningaasaqarnermut naalakkersuisoq Maliina Abelsen kiisalu ilinniartitaanermut naalakkersuisoq Palle Christiansen.

- Kalaallit Nunaanni naalakkersuinikkut siuttut nutaat pingasut aqqutigalugit nunarsuarmi qeqertat annersaanni naalakkersuinikkut pissutsit nutaat oqaluttuariniarpavut. Naalakkersuinikkut kanngunartuliornerpassuit kingorna 2009-mi qinersinerup kignorna nuna annertuumik allanngoriartorpoq, allaaserisat ilisaritinneranni allassimavoq. 

Ullumikkut ataasinngornermi siullertut ilisaritinneqassaaq Kuupik Kleist. Ulluni tulliuttuni tullinnguutissapput Maliina Abelsen aamma Palle Christiansen.

Ilisarititsilluni Kuupik Kleistimik oqaloqateqarneq ”Grønlands nødvendige stemme” atuaruk uani.

Kuupik, Maliina aamma Palle
Tusagassiortoq namminersortoq Helle Nørrelund Sørensen allaaserinnippoq.

- Taamatut allaaserisaqarnermi suna anguniarneqarpa?

- Qallunaat oqaluttuunniarpavut namminersornerup eqqunneqarnerata kingorna Kalaallit Nunaanni naalakkersuinikkut pissutsit suunersut.  

- Sooq Kuupik Kleist, Maliina Abelsen aamma Palle Christiansen ilisaritinniarpigit?

- Inuit taakkorpaat isumaqarpunga suliarisaminnut inuttuty nukittuujusut. Tamarmik "Kalaallit Nunaat pisoqaq" namminersornerullutik oqartussaanerup nalaaneersoq siornagullu misilittagaqarfigaat, nunamilu tassani ajornartorsiutit qanimut misillerfigisimallugit. Isumaqarpunga taamaaliornikkut Kalaallit Nunaanni pissutsit allanngoriartornerannik pitsaasumik oqaluttuarisinnaallugu, Helle Nørrelund Sørensen2011-mi qaammatini arfineq pingasuni Nuummi najugaqarsimasoq iqarpoq, ilaatigut tusagassiortutut ilinniarnermini immikkortut arfineq pingajussaat kingullersaallu ingerlallugu.  

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER