Skip to main content

Tuluit nunarput tupaallaatigaat

TV'ikkut nangeqattaartussiap Borgenip aallakaatinneqarneranut atatillug tuluit nunatsinnik tupigusuutissarsipput. Oqaaseqaatit Twitterikkut imaaginnavipput

Inuit qarasaasiakkut oqaloqatigiittarfiat twitter Kalaallit Nunaat aamma Danmark pillugu maannakkut isummersorfigineqarluarpoq. Tamanna aallartippoq TV'ikkut nangeqattaartussiaq "Borgen" tulunnut takusassiarineqartorlu.

Tuluit tupaallaatigisaasa ilagaat imminnut toquttartut amerlassusaat, aammali nunatta pinngortitaata pinnernerujussua. Inuit ilannguat ilaatigut ima allappoq: - "Borgen" qujanaq, Kalaallit Nunaannut angalanerma siullersaat tunniuppat.

Alla allappoq: - Kalaallit Nunaat pillugu annerusumik atuartariaqarpunga.

Pingajuat allappoq: - Kalaallit Nunaanni ilumut naalakkersuisoqarpat? Nuanneq.

Allattut naapertorlugit inerniliisoqarsinnaavoq tuluit Kalaallit Nunaat pillugu ilisimasaqarpianngitsut. Aamma inerniliisoqarsinnaavoq "Borgen" nunarsuup sinnerani isinik ammaasut assullu Nunatta ilisimaneqarnerunissaanik siammarterilluartoq.

Angunnguaq Larsen naalakkersuisut siulittaasuattut inuttasoq, "Borgenip" immikkoortuata sisamaanni pingaaruteqartumik inissisimavoq.

"Borgen" nunarsuup ilaani: Amerikap avannaanut, Amerikap kujataanut, Australiamut, Asiamut aamma Europamut tunisaavoq. TV'ikkut isiginnaagassiat aamma ungasinngitsumi Koreamut kujallermut Brasiliamullu tunineqarput. Piffissami matumani Tuluit Nunaanni isiginnaagassiaq ingerlaarpoq aammali Hollandimi, Nunani avannarlerni kiisalu Letlandimi isiginnaarneqarsinnaalluni neqeroorutaavoq.

Twitterimi oqaaseqaqataasinnaavutit oqallittulluunniit ugguuna malinnaaffigalugit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER