Skip to main content

Amnesty aalassatsinneqarpoq

Nunat tamalaat akornanni inuit pisinnaatitaaffiisa eqquutsinneqarnissaannik suliniaqatigiiffiup uparuaatigaa nunatsinni pineqaatissinneqarsimasut inissiisarfiinut inissinneqarallartussat utaqqisarnerujussuat - Siumut sivisuumik utaqqisut saammaanneqartalernissaat isumaqatiginngilaa

Naalakkersuisut aamma Inatsisartuni illuatungiliuttut justitsminister Morten Bødskovip, Kalaallit Nunaanni pinersuuteqarsimasunik isumaginnittoqarfiup amerlanernik aningaasaliffigineqarnissaanik sulissuteqannginnerat naammagisimaanngilluinnarpaat. 

Inissiisarfinniittussanngorlugit eqqartuussat piffissami qaninnermi ikilisinneqarsinnaanerat periarfissaaruppoq, naak manna tikillugu pineqaatissinneqarsimasut 300 utaqqisinneqaraluartut. 

Ole Hoff Jensen, Amnesty International Danmarkimi tusagassiinermik pisortaasoq utaqqisitsinermut ajornartorsiut pillugu Sermitsiaq.AG'mut oqarpoq:

- Tupigusoqaanga. Pissusissamisut ingerlasoqanngilluinnarpoq. Inuiaat inuit inatsisitigut illersugaannerannik pingaartitsisut taama sivisutigisumik utaqqisitsisariaqanngilluinnarput. Naapertuutinngilluinnarpoq. Inatsisit isumannaatsumik ingerlanneqarnissaat eqqarsaatigalugit aammali inuit inatsisaatsuliorsimasut pillugit.

Anthon Frederiksen, nunamut namminermut naalakkesuisoq sapaatip akunnerata tulliani danskit justitsministeriannik ataatsimeeqateqassaaq. Ataatsimiinnissami piumasarissamaarpaa Kangerlussuarmi inissiisarfiugallartup ammaqqinneqarnissaa. 

- Inuiaqatigiinni sullissineq imaluunniit sivisuallaamik utaqqitsitsineq pissutigalugu saammaassinissaq utaqqisut allaatorsimaffiannik ajornartorsiummik nungusitsinavianngillat. Pineqaatissinneqarsimasut inissiisarfiini inissat amerlanerit pisariaqartinneqarput. Akuerineqarsinnaanngilaq naalagaaffeqatigiinni assigiinngisitsineq pinerluttaalitsininermik inatsisit eqqarsaatigalugit, Anthon Frederiksen oqarpoq.

Siumut aamma oqaasissaqarpoq
Siumup siulittaasua Aleqa Hammond aamma oqallittunut akuleruppoq. Naalakkersuisut paragraf 37 aqqutigalugu apeqquteqaateqarfigalugit:

- Nunatsinni pineqaatissinneqarsimasut isertitsivimmiinnissaminnullu utaqqisinneqartut 300-it qaangersimaligai, Naalakkersuisut qanoq iliuuseqarfiginiarpai suullu pilersaarutaappat?

- Siuliani Naalakkersuisuusimasut nammineq iliuseqarlutik ajornartorsiutigineqartup qaangerniarnerani Danmarkimi Inatsisit atortinneqarneranut naalakkersuisumut isumaqatiginninniarnermikkut utaqqiisaagallartumik sivikinnerusumik pineqaatissinneqarsimasunut Kangerlussuarmi isertitsiveqalersitsisimanerat assigalugu Naalakkersuisut suliniuteqarnissamik piumassuseqarpat?

- Nunatsinni pinerlussimasut pineqaatissinneqartartullu isumakkeerinniffigineqaannartalernissaat Naalakkersuisunit politikkerineqarpa taamaanngippallu suut pilersaarutaappat?

- Nunatsinni pinerlussimasup pinerluffigineqarsimasullu akornanni isumakkeeqatigiittarnissamut aaqqissuussiniarnermi suliat sumut killissimappat aammalu qaqugu paasissutissat pineqarsinnaalissappat?

- Naalakkersuisoqarfik Inatsisit atortinneqarneranut tunngatillugu suliaqarfik suli atuuppa qassinillu atorfilittaqartinneqarpa?

Aleqa Hammondip apeqquteqaatini tunngavilersorpai, 2006-mi Naalakkersuisunit aalajangerneqarpoq nunatsinni pinerlussimasut pineqaatissinneqarsimasullu isertitsivimmiitinneqartussanngorlugit eqqartuunneqarsimasut utaqqisut 233-it qaangermagit immikkut iliuuseqartoqartariaqarneranik taamaasillunilu Danmarkimi inatsisinik atortitsinermut naalakkersuisoq isumaqatiginiarneqarluni aalajangerneqarluni utaqqisut ikilisarniarlugit Kangerlussuarmi isertitsivimmik atulersitsisoqassasoq.

Aaqqiineq pitsaasutut nalilerneqartoq misilittagaqarfigineqalersorlu.

 

 

Utaqqineq pissutigalugu saammaanneqarsinnaaneq naaggaarpaat
Inuiaqatigiinni pinerlussimasut pineqaatissinneqarnissaminnullu eqqartuunneqarsimasut isumakkeerinnissuteqarfigiinnarneqartarnissaat isumaqarpunga nunatta inatsisitigut atortitsinikkut illersorsinnaanngitsumik ingerlariarfeqalerlunilu kinguneqartitsisinnaannginnermik takutitsinerussasoq, Aleqa Hammond naqissusiivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER