Skip to main content

Karrit nassaarineqartut tupigusuutaapput

Danmarkimi Nationalmuseumimi ilisimatuut nassaarisimasaat karrit kaaverutaat uissuummissutigineqarpoq, taassuma uppernarsisippaa qallunaatsiaat ilumut naasorissaasuusimasut

Itsarnisarsiuut qangali ilimagisarisimavaat Erik aappalaartoq taassumalu ilagisai ukiut 1000-ikkut ingerlaneranni nunami naatsitsiniartuusimasut Kujataani naggoreqisumi najugaqarnermik nalaanni. Tamannali misissorneqaranilu uppernarsineqarnikuunngilaq.

Maannali Danmarkimi Nationalmuseumimi ilisimatusaqatigiit uissuumminartumik nassaasimapput, karrit kaaverutaat - uppernarsisitsisut ilumut qallunaatsiaat naasorissaasuusimanerannik.

Kristeligt Dagblad allappoq.

Karrit kaaverutaat aamarsuannguussimasutut isikkullit annikingaarami takuneqarsinnaanngingajattut milligramip qulerarterutaannaannik oqimaassusillit. Ilisimatuulli silarsuaanni takunngitsoorneqarsinnaanatik oqimaaqalutillu, aatsaammi siullerpaamik uppernarsaatissaqalerpoq ilumut Erik Aappalaartoq qallunaatsiaallu allat Østerbygdenimi Kujataanniittumi karrinik naatitsisarsimasut.

- Qallunaatsiaat pillugit ilisimatusartoqarnikooqaaq, kisianni ilumut naggorissaasuusimaneri misissorneqarnikuunngilaq. Pingaaruteqarporli taakkuami napassutigisimammassuk uagullu tappavani (Kalaallit Nunaanni aaqq.) qanoq inuusimanerannut paasinninnitsinnut. Qujanartumik paasiniaanissatsinnut periarfissinneqarpugut neriuutigalugu pissarsilluassalluta, Peter Steen Henriksen, Kristeligt Dagbladimut oqarpoq.

Taanna naatitsinermik immikkut ilisimasaqarpoq Nationalmuseumip pinngortitaq pillugu immikkoortortaani atorfeqarluni. Taanna itsarnisarsiuunik arlalinnik ilaqarluni siorna aasakkut Kalaallit Nunaanniippoq, qallunaatsiaat illukuini naasorissaasoqarsimaneranik misissuiartorluni. 

 

Takorluugaraarput
Suleqatigiit illukoqarfinnik assigiinngitsut aqqaneq-marlunnik misissuipput ilaat Qorlortup qooruani Erik Aaappalaartup najugaqarfigisimasaata tusaamasap Brattalidip akiata tunngaaniittumi, aamma Igalikup eqqaani taamani biskorpeqarfiusimasup Gardarip inaata nalaani. 

Qallunaatsiaat naasorissaasutut inuusimanerat iternga tikillugu nassaat tunngavigalugit qulaajarneqanngikkaluarpoq takorloorneqarporli Østerbygdenimi naasorissaasoqarfimmik 1000-minngaanneersumik assaasoqarnissaa. Taamali sulisoqassappat millionilikkaanik naleqarmat aqaguinnannguaq pinavianngilaq. 

Maannali uppernarsineqarpoq vikinngit Kalaallit Nunaanni karrinik naatitsisarsimasut, immiorsinnaasimasullu - taannaannaq paasissallugu immini pingaaruteqarpoq, Kristeligt Dagblad allappoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER