Skip to main content

Fjernsyni pillugu paasisaqanngilanga

 TV'ikkut nassitsissut analogi. TV'ikkut nassitsissut digitali. Tassunga killittorlu amerlanerit paasisaaruttarput. Ataasinngorpat TV'ra qernertuinnanngussaqinerpa?

 

Uanga makkununnga ilaavunga: Fjernsynera ikikkukku taava ajussanngilaq. Fjernsynip ilitsersuutitaa qupperartarpara isiginnaarsinnaanngikkaangama.

Fjernsynip ilitsersuutitaa paasisinnaanngikkaanni taava qanoq iliortoqassava?

Oqaaserpassuit atorlugit nanoq.gl'imi tv'p analogiusup matuneqarnissaa nassuiarneqarsimavoq. Illoqarfiit nunaqarfiillu 70 taakkartorneqarput, taakkunani tv'p signalia januaarip qulingiluaanni sorliit matuneqassanersut aammalu fjernsynimik pisoqqamik pillit, nutaalianik fladskærmillit aammali nutaaliaanerpaanik fjernsynillit qanoq iliussanersut pillugit nassuiaatitallit. 

Oqaatsit atorneqartut MPEG-4, MPEG-2, taagorneqalersullu uanga ilaajunnaartarpunga. Qasunartorujussuuvoq teknikkikkimillu ilisimasakka tamarmik paatsiveeruttarput. Ilami kia ilisimavaa "SMS" imaluunniit  "MP3" qanoq isumaqarnersut? Aamma sooq uanga "MPEG-4" imaluuniit 2 pillugit maannakkut ilisimasaqartariaqassagama. Fjernsyniinnarmiuna!

Timmisartut timmisinnaanerannut paasinnissinnaanera killeqarpoq aamma suli paasiuminaatsittarpara angerlarsimaffinni qarasaasiannut inuit allat marsersinnaanerat. Aamma paasinissaa eqiagaara. Kisiannili allaaserisarsuaq atuareerlugu oqaaseqatigiit ilaat arlaleriarlugit uteqattaareerlugit (suli paasisaqarani) immikkoortut ilaanni naqqani allassimaleriallartoq: Namminersorlutik oqartussat inissiaataanni attartortuuguit, dekoderimik pisinissat pisariaqanngilaq.

Qanga eqqissiallannannguarsi - namminersorlutik oqartussat inissiaataanni najugaqaraani ernummatissaqanngilaq.

Kisiannili, dekoderimik pissarsiniaraanni Inimut saaffiginnittoqaqqaassaaq. Sunaaffamiuna siorna februaari qaammataannili dekoderimik Inimut aallertoqarsinnaasimasoq.!

Nassuerutigisariaqarparali qanoq isillunga fjernsynima qernertuinnanngunnginnissaata pinaveersinnissaa paatsuunngassutigigakku. Oqaaseqatigiit analogitallit - aammami digitalitallit - oqaatsinik "nalorniguit" imaluunniit "pinngitsoortinniarukku", "taamaasiorsinnaanngikkuit" aamma "dekodereqartariaqassaatit" ulikkaarput.

Immaqa sanilit kasuttorfigiinnaraanni pitsaaneruvoq taakkumi uannit silatunerusinnaapput. Ikinngutigisaq sianerfigalugu imaluunniit ingeriarluni qinuinnaraanni. Imaassinnaavoq uanga taamaaliuinnartunga. 

Fjernsynit qanoq ittuunersoq nalunngiliuk?

Taamaanngippat uunga ikioqqusinnaavutit www.ini.gl

uungaluunniit www.tvnutaaq.gl

Ataaserli qularinngilara, uanga aperissanngilarma.

Immaqaluunniit teknikkimik ilisimasaqarluartut arlaat uuminnga oqaasertaliippat paasisaqassaqqooqisunga?

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER