Skip to main content

Filmit nunatsinni suliat Danmarkimi takutinneqassapput

Nordatlantens Bryggenimi nunatsinni filmiliat marluk takutinneqassapput

Nunatsinni qanga pissutsit maannakkullu atulikkat eqqartorneqassapput, Nordatlantens Bryggen Christianshavnimiittoq nunatsinni filmiliat nutaaliat marluk pisoqqallu marluk februaarip 16-iannit 23-at ilanngullugu takutinneqalerpata. Filmit ilisaritinneqassapput ilitsersuisunit ilisimasalinnillu oqaluuserineqassallutik. 

Sisamanngorneq februaarip 16-iat nal. 20 takutinneqassaaq
"Inuk" filmiliornermi ilitsersuisumit pulaartoqarnikkut
Ilitsersuisup Mike Makidsonip filmi nutaaq nunanilu tamalaani akissarsisinneqartartoq takutissavaa, Inuk illoqarfimmiu Nunatsinni sumiiffimmut avinngarusimasumut pinermi kingorna sutigut tamatigut ineriartorneranik ersersitsisoq. 

Arfininngorneq februaarip 18-at nal. 15 takutinneqassaaq
"S.O.S. Isbjerg" nassuiarneqarluni
Arnold Fanckip ilisimasassarsiornermik pissanganartuliaa 1933-meersoq, Leni Riefenstahl pingaarnertut inuttaavoq filmillu oqaluttuarisaanerannik ilisimatusarsimasumit Carl Nørrested ilisaritinneqassaaq, taanna atuakkiaminik "Grønlandsfilm" saqqummersitseqqammerpoq.

Marlunngorneq februaarip 21-at nal. 20 takutinneqassaaq
"Eskimo" nassuiarneqarluni
Eskimolog Justyn Salomon, filmi Hollywood-klassikerisusoq 1930-imeersoq pillugu danskeq ilisimasassarsiortartoq filmimillu inuttaaqataasoq pinngortinneqarneranilu suleqataasoq Peter Freuchen pillugu oqalugiassaaq.  

Sisamanngorneq februaarip 23-at nal. 20 takutinneqassaaq
"Skygger i fjeldet" nassuiarneqarluni
Ilitsersuisoq Malik Kleist aamma pilersitseqataasoq Aka Hansen qiiaaminartuliaminnik "Qaqqat Alanngui", nunatsinni takutinneqarami inuppassuarnit isiginnaarneqartumik takutitsissapput.

Ullut filmerfissat aaqqissuunneqarat tamakkiisoq ataasinngorneq januaarip qulingiluaat www. bryggen.dk saqqummiunneqassaaq, billitsinillu tuniniaaneq januaarip 12-iat aallartissaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER