Skip to main content

Narsami timersortartut nersornaaserneqartut

Narsami timersortarfimmi timersortartut qiimmassaaserneqartut

Inuppannguit Narsami timersortartunik qiimmassaasiineq tallimanngornermi kunngit pingasut ulluanni ingerlanneqarmat peqataapput. Timersortarfimmi timersortartut qiimmassaaserneqarmata erinarsoqatigiit peqataapput, teakwon-do'mik takutitsisoqarpoq, Oleeraq, Hedvig & Juliane aliikkusersuipput kiisalu tii, kaffi kaagillu amigaataanngillat.

Kommune Kujallermi borgmesterip sinniisaa Kiista P. Isaksen, timersortartunut qiimmassaatinik agguaasuuvoq, Sermitsiaq.AG'p aallartitaa John Rasmussen, Narsamit allappoq.

Siullermi pingasunik qiimmassaasiisoqarpoq:

Siulliit N85'imi U-18 arsaattartut, angusaqarluarsimanerat tunngavilersuutigalugu aammalu imminnut ikinngutigiilluarnerat, ataqatigiillluarnerat aammalu sungiusarnissaminnik nakkutiginnilluarnerat. Taava U-18'inik sungiusaasoq David Janussen kajumissaammik suliarujussuanullu ataqqinninniarluni nersorniarneqarpoq, arsaattaartoqatigiinnik qasusuilluni sungiusaanermi saniatigut nukappissat suleqatigiilluartut ikinngutigiittullu aalluttuarmagit arsaannerup saniatigut illoqarfimmi pisoqartillugu ikiuuttartunngortillugit allaat. Naggataatigut pinaveersaartitsinermik siunnersorti Bolethe Stenskov, nersornaaserneqarpoq ukiorpassuarni inuusuttunik, inersimasunik timersornerullu silarsuaanni sullissiuarnera pillugu. Bolethe Stenskov, teakwon-do'mik aallussisuuvoq, ilaatigut 2011-mi Narsami teakwonn-do'mik nunatsinni pissartanngorniunnermik iluatsilluartumik aaqqissuussisimalluni.

Taava Ukiup timersortartua toqqarneqarpoq. Nersorinnissut siulleq neriuutaalluartumut sulorartartumut Nuka Mark Nielsenimut sungiusarluarnermigut angusarissaarsimasumut tunniunneqarpoq.

Timersortartunut nersornaasiinivik sulorartartut peqatigiiffiannut Arsarnerit'nut tunniunneqarpoq, taakku tassaapput Nuka Mark Nielsen, Ineqi Sakariassen, Cecilie Josefsen, Martin Sikemsen kiisalu sungiusaasoq, timersortarfiup ittua, Anga Peter Edvardtsen.

Timersoqatigiit aamma angusarissaarsimapput GM'ertoqarmat nunanilu avannarlermiut naapinneranni medaljannassimapput, kiisalu timersoqatigiinnit taakkunannga marluk Arctic Winter Games i 2012 ingerlanneqalerpat Nunatsinnit aallartitaassapput. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER