Skip to main content

Akileraarusersugaanngitsut eqquteqqillik

Kattusseqatigiit Partiiata paaserusuppaa nioqqutissat akileraarusersugaanngitsut atorunnaarsinneqarneri qanoq kinguneqarsimanersoq  

Januaarip aallaqqaataa 2011 aallarnerfigalugu Kalaallit Nunaannut tikinnermi immiaaqqat, viinit, imigassat imaluunniit imeruersaatit imigassamik akullit eqquteqqusaajunnaarput.

Manna ukioq ataaseq qaangiuttoq Kattusseqatigiit Partiiata paaserusulerpaa tamanna qanoq kinguneqarsimanersoq.

Taamaattumik inatsisartunut ilaasortaq Knud Fleischer, Kattusseqatigiit Partiiat imaattunik naalakkersuisunut apeqqutissaqarpoq:

- 1. Nioqqutissat akitsuuteqanngitsut atorunnaarsinneqarneranni kingunerisai kisitisitigut takussutissianngorlugit pissarsiarineqarsinnaappat?
- Nioqqutissat akitsuuteqanngitsut peerneqarneri qanoq sunniuteqarpat?
- Taassuma ataani,nunatsinni aningaasaqarnermut iluaqutaava?
- Aammalu sulisoqarneq eqqarsaatingalungu qanoq kinguneqarpa?
- Nioqqutissat akitsuuteqanngittut atorunnaartinneqarnerat siunertamisulli kinguneqarpa? 
- Nioqqutissat akitsuuteqanngitsut eqquteqqinneqarsinnaaneri naalakkersuisut qanoq isumaqarfingivaat?

Knud Fleischerip apeqquteqaatini tunngavilersorpaa nioqqutissanik akitsuuteqanngitsunik atorunnaarsitsinermi siunertatut annerpaatut oqaatingineqarmat, nioqqutissat akitsuuteqanngitsut pisiarneqartarneranni, akitsuutilinnik pisisarneq taarserneqassasoq, tamanna paaserusupparput eqquussimanersoq. Aammalu nunatta karsianut taakkartorneqarluni 20 mio. kr-it missaanik sipaarutaassasoq, tamanna aamma paaserusupparput eqquussimanersoq.

- Ilanngullungu Kattusseqatigiit Partiianiit paaserusupparput, nunatsinni angallannikkut billitsit taama akisoreertingisut, iluaqutissartaanik tassalu nioqqutissanik akitsuuteqanngitsunik pisisinnaanermut periarfissat atorunnaarsinneqarnerani, malunnarmat atorunnaarsitsinerup siunertamisut kinguneqanngitsoq, tamatuma periarfissap eqquteqqinneqarsinnaanera paaserusupparput, Knud Fleischer allappoq.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER