Skip to main content

Inunnguaq sapiitsuliorpoq

Inunnguaq Mathæussen Nuummeersoq 2.000 koruuninik tunissuteqarfigineqarpoq inummik ipilersumik annaassisimanerminut  

Pingasunngormat ualikkut 20-nik ukiulik Inunnguaq Mathæussen Nuummersoq sapiitsuliornerminut uppernarsaammik tunineqarpoq. 

Tamanna pivoq politimesterip Bjørn Tegner Bayip vicepolitiinspektørillu Viggo Johansenip illoqarfiit pingaarnersaanni immikkoortortameersut Inunnguaq Mathæussen nersornaammik 2.000 koruuninillu tunissuteqarfigimmassuk. Tamanna tassaavoq nersorniarneqarnermut takussutissaq Inunnguaq Mathæussenip inuk ipisussaq annaassimammagu.  

Annaassiniarneq pivoq aggustip 31-ani 2001-mi unnuakkut ataatsip missaani nunanit allamiu kilisaammiittoq kilisaat Nuummi talittarfimmi pitussimatillugu kilisaatip sissiukkallu akornatigut nakkarmat. 

Inunnguaq Mathæussen ”Angaju Ittup” ataatsinut tikittussaanera peqqutigalugu talittarfimmiippoq ilaquttani niuffiorniarlugu. 

- Politiit killisiuinerisa takutippaat Inunnguaq Mathæussenip inuk immamut nakkartoq takugamiuk qisuariapallassimasoq politiit kalerrillugit kingornalu kilisaammut ikaarluni tassanngalu sukakkut imminut ningilluni immap killinganut pilluni taamaalillunilu imminut uloriartartorsiortilluni.   

- Inunnguaq Mathæussenip inuk ajunaalersoq tigoqqissaarpaa. Inuk imaaniittoq aqqunartitersimavoq nukeerussimaqalunilu. Annaassiniarnerup nalaani inuk taanna arlaleriarluni imaanut nakkaqqittarsimavoq. Inunnguaq Mathæussenip inuk tigulluaqqissaarsimavaa ipinissaalu pinngitsoortillugu, inuit allat politiillu ikiuukkiartornissaasa tungaanut. Inuk allunaasat atorlugit kilisaammut qaqinneqarpoq ambulancenillu Dronning Ingridip napparsimmavianukaanneqarluni.  

- Politiit paasisaat naapertorlugit Inunnguaq Mathæussen qisuariapallannermigut inummik ipisussamik annaassisimavoq, taamaaliorneralu Kalaallit Nunaata politiivinit qujarunneqaqaaq taamaattumillu Inunnguaq Mathæussen aningaasanik akissarsitinneqarpoq, vicepolitiinspektør Viggo Johansen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER