Skip to main content

Dronningimik frimærke nutaaq

Pingasunngornermi Post Greenland, Savalimmiuni aamma Danmarkimi allakkeriviit peqatigalugit frimærke nutaaq saqqummiuppaat dronning Margrethep ukiuni 40-ni nalliuttorsiorneranut atatillugu

- Ataqqinartorsuaq Dronning assiliartaralugu frimærkiliaq angisooq kusanartorsuarlu POST Greenlandip ullumikkut saqqummiussinnaagamiuk tulluusimaarutigaa.

- Qalipaasup Mikael Melbye-p qalipagaa frimærkiliarineqarpoq, Martin Mörck-imiilli kigartugaavoq.

 

Frimærki Post Danmark aamma Posta Faroe Island suleqatigalugit saqqummersitaavoq. Frimærkimik saqqummiineq Ataqqinartorsuup naalagaaffimmi qullersatut ukiunik 40-nngortorsiorneranik malunnartitsineruvoq, pisoq persuarsiornartoq Naalagaaffeqatigiinnerup iluani tamarmi 2012-imi malunnartinneqartussaasoq.

Kalaallinit nuannarineqaqaaq

 

Dronning Margrethe Aappaat kalaallinit assorsuaq nuannarineqarpoq. Dronningip ilisimaneqaatigai Kalaallit Nunaannut angalasarnerpassuani, ilaatigut kitaani tunumilu kiisalu Kalaallit Nunaata avannarpasinnerusuani illoqarfinnik nunaqarfinnillu tikeraartarnerminik.

- Pingaartumik pisuni angisuuni marlunni Ataqqinartorsuarmik tikeraarneqarsimaneq immikkut nuannaarutigineqarsimavoq. Pisoq angisooq siulleq tassaavoq namminersornerulernermut inatsisip ulloq 1. maj 1979 taamani inatsisartut siulittaasuannut Lars Chemnitz-imut tunniunneqarnera, aammalu aappassaanik inatsisartut ataatsimiittarfianni tassani, namminersorneq pillugu inatsisip inatsisartut siulittaasuannut Josef Motzfeldt-imut tunniunneqarnera ulloq 21. juni 2009, Per Svendsen oqarpoq.

- Uagut Kalaallit Nunaanniittugut Dronningerput nalliuttorsiorneranik pilluaqqungaarparput, aammalu Kalaallit Nunatsinnut aammaarluta tikilluaqqoqqinnissaa qilanaaralutigu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER