Sakkortusaaviup attaveerussinnaanera
Nanortallip avannaata tungaani sakkortusaavimmi TREF-imi innaallagissamik ajornartorsiortoqarnera pissutigalugu marlunngornermi Nanortalimmut aammalu Nanortalimmiit kujammut attaviit attaveerussinnaapput
Sila pissutaallu ataasinngornermi qaqqat qaavinut timmisoqarsinnaasimanngilaq ajoqutaasumik iluarsiiartornissamut.
Tele-Post pingasoriarluni iluarsiiartorniaraluarpoq, anorili sakkortuallaarmat helikopteri stationeqarfimmut 900 meterit inulaarlugit qatsitsigisumiittumut missinnaasimanngilaq.
Marlunngornermi ullaakkut qulimiguulik misileeqissaaq
- Attaveqarfik batteriit atorlugit suli ingerlavoq, taakkuli imaarutilerput, Telemi attaveqaqatigiinnermik pisortaq Sæunn L. Nolsøe, Sermitsiaq.AG'mut oqarpoq.
Silamik ilimasaarutip takutippaa marlunngornermi ullaakkut sakkortusaaveqarfimmut missinnaaneq annikitsumik periarfissaqarsinnaajumaartoq.
- Tamanna iluatsinngippat imaassinnaavoq attaviit kipisut, taamaattoqassappallu tamatuma kingorna nunap ilaa tamanna telefonit nalinginnaasut kisiisa atorlugit attaveqarfiusinnaassaaq.
- Attaveerussinnaanerup tamatuma Simiutap kujataanut isumannaallisaanikkut attaveqarneq tamaat aamma eqqussavaa.
- Ajoquteqalersinnaanerit tamakku atuisunut ajoqutinngorsinnaanerat ajuusaarutigaa. Sila atoruminarseriarpat TREF orninneqassaaq ajoqutaasorlu aaqqinniarneqassalluni, Sæunn L. Nolsøe nalunaarpoq.