Skip to main content

Ikummatissamik imerpalasumik tuniniaanermi akit assigiit

Ikummatissanik imerpalasunik assigiimmik akeqartitsineq aappaagu atorunnaassaaq. KNI (Polaroil) uuliap akianik isumaqatigiinniarsinnaatitaaneq taamaatippaa

KNI Polaroil A/S aamma Namminersorlutik Oqartussat kiffartuussinermik isumaqatigiissut nutaaq ukiuni tullerni atuuttussaq isumaqatigiissutigeqqammerpaat.

Isumaqatigiinniarnerit aallarteqqinnissaannut Unammilleqatigiinnermut Nakkutilliisut Kalaallit Nunaanni Namminersorlutik Oqartussanut piumasaqarpoq, akit assigiittussaanerannik aaqqissuussinerup paarlattaatut akit qaffasinnerpaaffissalerneqassasut, taakkulu maanna atuutilerput. Akit qaffasinnerpaaffeqarnissaat isumaqarpoq, sumiiffinni ikummatissamik tuniniaanermik ingerlatsisut, pisiniartarfinnit neqeroorutaasimasumik tuniniaanerup nalaanni akit namminneq aalajangersinnaaleraat. Piumasaqaat taanna Namminersorlutik Oqartussanit atuutsikkiartuaarneqartussat tusaaniarneqarsimavoq, nukissiuutinik pisortaq Peter Grønvold Samuelsen oqarpoq.

- Tamassuma nassataraa assersuutigalugu sumiiffiit arlaanni arlalinnik uuliamik tuniniaasoqartuni, uuliamik tuniniaasup nammineq benzinap, petroliup gasoliallu akingi aalajangersinnaaleraat, Peter Grønvold Samuelsen nassuiaavoq.

Akinik aaqqissuussisarnerup allannguuteqarnerata nassataanik KNI A/S'p tuniniaaqqittartunik isumaqatigiissutit tamaasa atorunnaarsippai, anguniarlugu januaarip aallaqqaataa 2013 nallertinnagu, akinik aaqqissuuseriaatsip nutaap aallartinnginnera sioqqullugu piffissaqarluarluni, nutaanik isumaqatigiinniartoqarnissaa.   

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER