Isuma: Inissianut 35 procentimik qaffaaneq - ilumoorsinnaava?
Kiap suna suliarineraa ilisimaneqarpa - inissiamik attartornermut akiliutiga eqqorpa? Suliassaminnik nakkutiginnippat? Atuartartutta inimik attartukkami oqaluttuassartaa eqqumiigaa
Niels Christian Andersen, Nuussuarmi najugallip paasisinnaanngilaa qanoq isilluni inissiamik pingasunik initalimmik attartornermut akiliutip 35 procentimik qaffassinnaanera, pingaartumik INI'p qaffaanissamik nalunaarutaa qiviaraanni.
Inissiamik attartortittakkamik akiliutip qaffanneqarnissaanut nalunaarut septembarip 30'anni ulluligaavoq - allaqqalluni, "maannamut akiliut 1.606, 408 koruunimik allanngortinneqassasoq 2.014 koruuninngorluni."
Niels Christian Andersen, inimut 3.571 koruuninik akiliisarami, INI allakkatigut aperaa, inimut akiliutigisartakkani soorlu allakkami allaqqasutut 2.014 koruuninngorlugu aaqqinneqassanersut.
Niels Christian Andersen, INI'mut allappoq:
Novembarip 29'anni INI'mit akissutisivunga, kalerriummi siullermi kukkusoqarsimasoq taamaattumik:
Maannamut qaammammut akiliutigisartagara kr. 3.571, allanngortinneqassasoq 1.157 kr.-inik, 4.728 kr.-ninngorluni. (Inissiamik attartortittakkamik piginnittunngunngikkaanimi imminut sianiinnaarujussuartoqartarpoq). Soraarnerussutisiaqarlunga, SIK malillugu aningaasarsiaqarlunga imaluunniit kisimiittuullunga, qanoq isillunga inissiamik pingasunik initalimmik piginnittunngornermi 1 million koruuninik akiliuteqaqqaarsinnaagama. Ilumoorsinnaava inissiamik attartorneq qaammammut 1.157 kr.-inik qaffanneqarsinnaasoq. Qaffariaat 35 procentiuvoq, arlaata suliassani nakkutiginngilaa, imaluunniit arlaata qaffariaatip ilaa kaasarfimminut ikiorarpaa?
Nassuiarneqarusuppunga qanoq isilluni ininik attartortut akiliutaat 35 procentimik qaffanneqarsinnaanersoq, attartortup allap ataatsip inissiamik pisisimanera tunngavigalugu.
Ininik attartortut 75 procentiisa inissiamik namminneq piginnilernissaannit aallaaveqarpoq. Erniinnaq akineqarnissara kissaatigaara, allannguut atuutilermat 01/03/2012...