Skip to main content

Julecup naammassivoq

Brugseni Julecup 2011 naammassilluavippoq

Finalit marluk aliikkutaalluarput Brugsen Julecup 2011, arnat angutillu unammiuaartinneqarnerat GSS'ip aamma NÛK'llu akornanni naammassineqarmat. 

Arnani GSS aallartilluarnini unamminerup sinnera tamaat attatiinnarpaa. GSS unamminerup immikkoortuani siullermi 16 - 11-mik siuaqqavoq, Najaaja Lyberth unamminermi pingaarutilittut aquttuulluni. Nikinnerup kingorna Panu Grønvold GSS'imi sukalanertanngorpoq. Karen Marie Kyed Meyer, NÛK immikkoortuni marlunni arsarluaqaaq, kisianni tamanna NÛK'mut nammanngilaq. Unamminermi GSS 28 - 19-imik ajugaavoq. Najaaja Lyberth GSS'imi arsarluarnerpaatut toqqarneqarpoq, NÛK'mi Karen Marie Kyed Meyer arsarluarnerpaajulluni. Unammiuaarneq tamaat Mie Rasmussen aamma Najaaja Lyberth arnani isaatitsinerpaajupput. Mie Nielsen toqqagaavoq unamminerni marluinnarni 21-nik isertitsisimanera pissutigalugu. 

Angutit unamminerat naligiiffiuvoq pissanganarlunilu. Unamminerup immikkoortua siulleq naammat GSS 17 - 16-imik siuaqqalaarpoq. Unamminerup immikkoortuata siulliani Miki Duko Sørensen, NÛK titarnerup sinaani malunnaateqarluarpoq. GSS'imi arsartartup Andreas Lorentzenip titarmiillaqqinnini aamma takutippaa. Nikinnerup kingorna unammisut imminnut malittariiginnarput, Miki A. Heilmann aamma Miilu Rosing, GSS sukammata unamminermi minutsit kingulliit NÛK malinnaasinnaajunnaarpoq. GSS 29 - 25-mik ajugaavoq. Miki A. Heilmann, GSS'ini arsarluarnerpaatut toqqagaavoq, NÛK'mi arsarluarnerpaaq Ludvig Svendsen. Unammiuaarnermi isertitsinerpaajuvoq Miilu Rosing, GSS - 19'inik isertitsigami.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER