Snescooterit ajutoortut 1 millioninit takuneqarput
Sisimiuni snescooterertumik videoliaq isiginnaarneqaqaaq
Sisimiuni Qoororsuarmik snescootererluni qaqiseriaraluarluni ajutoortoq ajooqqusinngilaq.
Snescooterimik aquttup niaqorornaveequtaanit immiussamit takuneqarsinnaavoq qaqqamut qummut aqqutaa tamaat, qaavanut qaqillunilu snescooteriminik akunnattoorluni ammut sisoornera. Immiussaq taanna franskit nittartagaanniippoq 874.000 miss. takuneqarnikuulluni. Immiussaq CNN'imi takutinneqarpoq YouTubemi takuneqaqattaarnikuulluni.
Immiussaq Nukagpi L.Christensenimit YouTubemut ivertinneqarpoq. Taanna qaqqap qaanit snescooterertup qaqinissaa filmilioraa. Immiussami uani snescooterertup aqqa tassaavoq Kris Kenni.