Skip to main content

Inuussutissarsiornermi ilisimatusarneq

Biologi Helle Jørgensbye iluarsartuullugu pilersaarusiamik ilisimatuutut misissuinermik suliaqassaaq, uumasut annermik koralit immap naqqani uumasuusut nalunaarsuusiussallugit

Ilinniartitaanermut Ilisimatusarnermullu Naalakkersuisup, Palle Christiansenip, GrønlandsBankip Inuussutissarsiutinut aningaasaateqarfia suleqatigalugu biologimut Helle Jørgensbye-mut Inuussutissarsiornermut PhD-tut ilisimatusartumut tapiissutit akuersissutigai.

 

Helle Sustainable Fisheries Greenland aamma Royal Greenland suleqatigalugit iluarsartuullugu pilersaarusiamik ilisimatuutut misissuinermik suliaqassaaq, uumasut annermik koralit immap naqqani uumasuusut nalunaarsuusiussallugit. Aammattaaq iluarsartuullugu pilersaarummi immap naqqani sunik pisoqarnera matumani ilanngullugit qalorsuarnik immap natersiutinik aalisarnermi nalorninartuusinnaasut nalilersorneqassapput.

- Aaqqiissutissanik nassaarnissaq pingaaruteqarpoq, uumassusillit innarlerneqajasut soorlu koralit innarlitsaaliornissaat tassungalu peqatigitillugu aalisarnermik ingerlatsisinnaaneq. Tamanna ingammik pingaaruteqarpoq, nunat assigiinngitsut akornanni isumaqatigiissutinut arlalinnut Kalaallit Nunaat naammassinnissappat aamma aalisarnermi avatangiisit pillugit nalunaaqutsersuineq angussappagu, biologi Helle Jørgensbye nassuiaavoq, naatsorsuutigaalu 2012-mi upernaap ingerlanerani allaatiginninneq allartissallugu.

Namminersorlutik Oqartussani Aalisarsinnaanermut Akuersissutinik Nakkutilliisoqarfimmi siusinnerusukkut Helle sulisimavoq, taamaattumillu pineqartumi ilisimasaqarluarpoq attaveqarfigissaarlunilu, ilinniarnermi ingerlanerani iluaqutigisinnaasaminik

 

Inuussutissarsiornermut PhD-tut ilisimatusartumut tapiissutit ilisimatusarnermi immikkoortut iluani tamani inuttassarsiuunneri Namminersorlutik Oqartussat ukiut tamaasa allagarsiuttarpaat. Ilisimatuutut misissuinermi inuussutissarsiutinut assigiinngitsunik isiginnittaaseqarnikkut paasisimasaqalernissamut ilisimatuut ilinniartinneqarnissaat aamma kalaallit inuussutissarsiornikkut ineriartornissamut periarfissaasa ineriartortinneqarnissaat siuarsarneqarnissaallu Inuussutissarsiornermut PhD-tut ilisimatusarnermut siunertaavoq. Ilisimatusarnikkut ilinniagaqarnikkullu iluarsartuullugit pilersaarutinut inuussutissarsiutinut sammiveqartumik ukiuni pingasuni aalajangersimasumik sulineq tapersersorsinnaajumallugit piumasaqaatinik naammassinnittussamik Inuussutissarsiornermut PhD suliffeqarfinnut annerusumik saaffiginnippoq. Iluarsartuullugu pilersaarusiaq suliffeqarfimmut nutaarsiassatigut iluaqutaassutsikkullu pingaaruteqassaaq.


Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER