Skip to main content

Pointit ajorsassutigai

Kalaaleq tilluuttartoq – Maassannguaq Christensen – pingasunngornermi unnukkut Aalborgimi unammivoq 

Unammisaq unammillernaqaaq, kalaallip tilluuttartup Maasannguaq Christensenip pingasunngornermi unnukkut danskit mesteriat Mathias R. Thomsen, AK Jydenimi unammisartoq Aalborgimi naapimmagu. Unammineq ingerlanneqarpoq juullikkunni tilluulluni unammiuaartitsisarneq Aalborgimi Europa-hallen'imi aaqqissuunneqarmat. 

- Mathias Thomsen siorna naapippara, taamani ajorsaqqalaarpunga dommerit pointiliinerinit 14 - 15, taamaattumik unamminissaq una pissangisorujussuuara, Maasannguaq Christensen oqarpoq.

- Unamminermi uani gong-gong siullermeerluni tutsiummat ingerlaannaq tilluulluta aallartippugut. Ajoraluartumik immikkoortuni siullerni marlunni kinguaqqalaarpunga, aatsaallu immikkoortuata pingajuanni aallartilluarlunga. Ajoraluartumik kingusinaarlunga. Aammaasiit pointialuinnarnik ajorsarpunga. Unammineq ajunngilluinnarpoq nammineq naammagisimaarpara. 

- Kisianni suli unammeqqinnissatsinnut periarfissaqarsinnaavugut ukiortaap kingorna  sapaatip akunnerata naanerani siullermi. Marluulluta Viking Box Cupimi peqataassaagut - aamma maani Aalborgimi, ulluni 6.-8. januar 2012, Maassannguaq Christensen, naggasiivoq. Taanna IK Sport Helsingør sinnerlugu peqataassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER