Mannissaqarfikkut kræfti katsorsarneqarsinnaalerpoq
Arnat mannissaqarfimmikkut kræfteqarlualereersimasut sivisunerusumik inuunissartik naatsorsuutigisinnaalissavaat katsorsaaneq nutaaq biologiskiusoq iluaqutigalugu
Arnat mannissaqarfimmikkut annertuumik kræftertut katsorsartarneranni iluatsisisoqarpoq, taamaalilluni arnat nutaamik biologiskimik katsorsartinnermikkut qaammatit arfineq pingasut angullugit sivisunerusumik inuusinnaalerlutik.
Tamanna Europami misissuinersuarmi qallunaat peqataaffigisaanni paasineqarpoq, taannalu nakorsat atuagassiaani akimasuumi The New England Journal of Medicinemi saqqummersinneqaqqammerpoq.
- Ukiut 20-t ingerlaneranni arnat mannissaqarfimmikkut kræftertut katsorsartalerakkilli aatsaat iluatsitsisoqarnera takuara, katsorsartittut suliaritittarneranni kræfti tamarmi peerneqartarsinnaasimanani, nakorsaaneq Mansoor Raza Mirza oqarpoq.
Taanna Onkologisk Klinik Rigshospitalemi kræftimut nakorsaaneruvoq qallunaallu misissuiffigineqarnerat aqussimallugu.
Nakorsat paasivaat arnat suliarineqarsinnaasut suliaritereernermi kingorna suli kræfteqarlutik, nakorsaat Bevacizumab atorlugu, inuunerallu qaammatint arfineq pingasut angullugit sivitsorneqarluni.
Nakorsaatip taassuma kræfteqarfimmi taqaninnissamik killilersimaartippaa taamaalilluni metastaserimik taaneqartartoq pilersillugu. Tassalu kræft alliartorunnaarluni.
Katsorsaariaaseq nutaaq kemoterapimik ilaneqartarpoq, taannalu 1990-ikkulli aallartinneranni arnanut mannissaqarfimmikkut kræfteqartunut katsorsaatigineqartarpoq.
Mansoor Raza Mirza naapertorlugu arnat mannissaqarfimmikkut kræfteqartut pilattanreat kræftertunik pilaasarnermi ajornakusoornerpaavoq.
Pilaanermi kræfti annertunerpaaq peerniarneqartarpoq, arlalitsigulli tamakkerneqarsinnaasarnani. Napparsimasullu amiakkuusumik nappaateqartarput, taakku katsorsartinneq nutaaq iluaqutigisinnaavaat.
Danmarkimi napparsimasut ukiumut 150 missaaniittarput.
Mansoor Raza Mirzap siulittoruminaatsippaa katsorsartinneq qanoq akeqassanersoq akisussaarli.
Neriuutigaali piaartumik Bevacizumab nalinginnaasumik neqeroorutaasinnaalissasoq.
- Qaammatini arfineq pingasuni sivisunerusumik inuusinnaaneq kræftertumut ilaqutaasunullu nalilipilussuuvoq, Mansoor Raza Mirza oqarpoq.