Narsami meeqqat naalagiartinneqarnerat

Pisarneq naapertorlugu juulliaqqami ualikkut Narsap Oqaluffiani meeqqat naalagiartinneqarput

Sila nuanneqaaq arfininngornermi Narsap Oqaluffiani meeqqanut naalagiartitsisoqarmata. Narsami Oqaluffik inunnik ulikkaarpoq juulliaqqami meeqqat naalagiartinneqarmata. Inersimasut ima amerlatigipput allaat meeqqat ilaat inissaarullutik ingerlaqqiinnartariaqarlutik. Ajoqi Lone Egede naalagiartitsivoq, assimi takuneqarsinnaavoq oqaluttarfimmit oqaluussisoq. Ayla ittuni Jack Durhuus naalagiaqatigaa. Tonny Jørgensen, assiliisumik tupaqqalaartoq.

Ukioq manna aammaarluni ajoqi Lone Egede oqaluffimmi juullip oqariartuutaanik oqaluussimmat oqaluffik meeqqanik, angajoqqaanik, aatanik, aananik ilaquttanillu ulikkaarpoq. Ilami inersimasut ima amerlatigipput meeqqat ilaat inissaarullutik ingerlaannartariaqarlutik.

Naalagiaqatigiinnerli nuannerluinnarpoq nalunaaqquttap akunnerata affaa naalagiaqatigiittoqareermat peqataasimasut pissarsiaqarluarlutik angerlakkaapput.

Qujanartumik sila ajunnginnami, naak issikkaluaqaluni ualikkut silaannarissorsuugami. Naalagaaffeqatigiinni sumiiffiit ilaat aputeqanngitsut Kujataani qaqqorimmi juullisiorput.

Powered by Labrador CMS