Skip to main content

GSS marloriarluni Brugsen’ip Julecup'imi ajugaavoq

Juullikkunni assammik arsarnermi unammiuaarneq sapaatip akunnerata naanerani aallartiaartinneqarpoq - GSS arnartai aamma angutitai NÛK ajugaaffigaat

Juullinnaqaaq. Aputeqarpugut aamma ukioq manna assammik arsarluni Brugsenip Julicupiani unamminerit siulliit ingerlanneqarput. Immaqa piaarpallaamik. GSS'ip arnartai aamma angutitai NÛK ajugaaffigaat.

Arnani NÛK aallartilluaraluarpoq unamminerup immikkoortuani siullermi NÛK 12 - 9-mik siuarsimallutik. Unamminerup immikkoortuata aappaani NÛK'miut ingerlalluarunnaarput GSS unammilluaqqilerluni unamminermi 23-22-mik ajugaalluni.

Angutini aamma taamatorpiaq NÛK unamminerup immikkoortuata siullianni ingerlalluarpoq. NÛK piffissap ilaa målinik tallimanik-arfinilinnik siuaqqasarpoq. Nikinnermi NÛK 13-10-mik siuaqqavoq ukioq mannalu unammiuaarnermi NÛK'ip siullermeerluni ajugaanissaallu soorlu silaannarmiittoq. Taamatulli pisoqanngilaq GSS unamminerup immikkoortuata aappaani angusarinneroqaaq unammineq naammat 33-25-imik ajugaallutik. 

Unammiuaarneq decembarip 27'anni nangeqqissaaq arsartartut Danmarkimi najugallit juullisioriartortut unamminermi peqataassallutik. 


 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER