Skip to main content

Atuartut bussini nalinginnaasuni

Atuartunut bussimut ikissutissat elektroniskiusut qamutaaqqanullu inissaqarnerusoq 

Nuummi atuartut bussini nalinginnaasuni ilaasinnaalissapput aturtut bussiinut taamallaat ilaasariaqaratik. Bussiutillit nutaamik aaqqissuussipput atuartut busserunneranni sipaaruneqarniarlutik. Tamanna bussiutillit pisortaata Michael Drieferip tusagassiuutitigut nalunaarutaani allassimavoq. 

Nuup Bussiisa ukiaq Kommuneqarfik Sermersuumi ineriartortitsinermut immikkoortortaq suleqatigalugu misiliilluni aaqqissuussivoq, atuartut immikkut toqqakkat bussinut isissutissaqalerlutik elektroniskiusunik. 

Bussinut isissutissat atorlugit atuartut bussinut nalinginnaasunut ilaasinnaalerput, aamma maannakkut ingerlaarsinni nalinginnaasuni 1 - X1 - 3 - X3 ulluni atuarfiusuni piffissami 07.00 - 18.00.

- Taamatut aaqqissuussineq ima iluatsitsigaaq januaarip 2-ani 2012-miit aaqqissuussineq taamaattoq illoqarfimmi atuartunut 2.000-usunut atulissalluni, pisortaq Michael Driefer allappoq, kiisalu nutaamik aaqqissuussineq marlunnik siunertaqartoq unnerlugu.

Siunertaq siulleq tassaavoq aturtut eqaannerusumik pitsaanerusumillu kiffartuunneqarsinnaalerlutik, aappaatigullu bussiutillit atorluaanerunissaminnik periarfissaginnerulerlutik.

Atuartut bussini nalinginnaasuni ilaasinnaalernerisigut aamma periarfissaqalerpoq ulluunerani atuartut bussiisa ingerlaaneratigut annkilliliinissamut, oqarpoq. 

- Ullumikkut pissutsit imaapput bussit nalinginnaasut atuartullu bussii ullup qiteqqunnerani ilaasukitsuaraasarlutik. Kattunnerisigut ilaasoqarnerusalissaagut bussit ikinnerit atorlugit taamaalilluni taamatut aaqqiinneq avatangiisinut illersuinerullunilu aningaasatigut pitsaanerulluni, Michael Driefer oqarpoq.

Qamutaaqqat atuartut bussiini

- Ajoraluartumik ilaannikkut ilaasut qamutaarartut ilaanngitsoortariaqartarlutik inissaqanninneq peqqutigalugu. Tamanna ajuusaarutigeqaarput. Misiliilluta ukiumi nutaami ilaasut qamutaarallit atuartut bussiini aamma ilaasinnaalissapput. Tamanna pitsannguutaassaaq neriuutigaarpullu ilaasutta qamutaarallit taamatut aaqqiineq nuannaarutigissagaat, bussiutillit pisortaat oqarpoq.

- Suliniutit nutaat ukiup atuarfiusup naanissaanut ingerlagallassapput, kingornalu nalilersussavagut aalajangerlugulu ingerlatiinnassanerlutigik imaluunniit annertusiilluta allaat. 

- Bussimut ikissutissat elektroniskiusut atuarfiit aqutsisoqarfii suleqatigalugit tunniunneqassapput, aamma angajoqqaat, atuartut allallu allannguinitsinnik paasiniaaqqullugit nittartakkatsigut www.bus.gl, Michael Driefer nalunaarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER