Qivittoq danskit tv'anni

Juullimi filmit takutitassat ilaattut Erik Ballingip filmiliaa Qivittoq DR'ikkut takutinneqalerpoq

Danmarkimi aallakaatinneqassaaq filmi pisoqalisoq nersornaasigaanikuusorli - Qivittoq - Poul Richardtip pingaarnertut inuttaaffigisaa, Erik Ballingimit 1956 suliarineqartoq.

Taanna arfininngorpat nal. 20.30-22.15 ataasinngorpallu nal. 15.15-16.55 (Danmarkimi nal.) aallakaatinneqassaaq.

Filmi iluarsaanneqareerluni januaarimi Københavnimi Paladsimi 500-nit isiginnaarneqarpoq.

Filmit Kalaallit Nunaanni immiunneqarmata Danmarkimi taamani filmiliarineqartartunit akisunerpaajuvoq. Taamani suliarineqarnera millionimik ataatsimik akeqarpoq Nunatsinnilu aliikkutassiatut filmiliarineqartut siullerpaartaralugu.

Filmi iluarsaanneqareerluni DVD'tut pisiassaavoq.

Poul Richardt, qallunaanit pingaarnertut inuttaavoq, kalaallisuuani Niels Platou, Paviaasaartoq inuttat pingaarnerigit ilaanniittoq.

Powered by Labrador CMS