Skip to main content

Arfinillit toqqagaapput

Piginnaanillit nunatsinneersut Arctic Winter Gamesimi aliikkusersuisussanngorput. Kikkuunersut saqqummiunneqaqqammerpoq

Inuusuttut nunatsinni sumi tamalaaneersut 28-t Arctic Winter Games 2012 ingerlanneqalerpat kulturikkut aliikkusersueqataarusullutik piginnaasaminnik takutitsimmata, arfinillit peqataasussatut toqqagaapput.

- Taama amerlatigisunit saaffigineqarluni tuppallernaqaaq. Inussutut avannaanit, kujataanit, tunumit kitaanillu allaffigaatigut imaluunniit sianerfigaatigut. Pikkorissorpassuit ilaarusukkaluarput. Piginnaanillinnit arfineq-pingasut toqqarpagut taakkua Skype atorlugu misilitsipput, Leise Johansen, NAPA'p pisortaa tusagassiivinnut allappoq.

AWG ingerlanneqartarnerani NAPA kulturikkut nunatsinnit ilanngussassanut akisussaasuuvoq - 2006, 2008, 2010 aamma maannamut 2012.

- Arctic Winter Games kalaallinut inuusuttunut isiginnaartitsinermik piginnaanilinnut aallartiffitsialaavoq. Periarfissami taamaattumi peqataanikkut inuusuttut tamakku misilittagalinnit aqunneqarlutik ineriartortinneqarput aammalu isiginnaartitsivimmiinnermik misigisaqartinneqarlutik, taamattaaq eqqumiitsuliornermik ingerlataqarneq tipisiortarpaat. Nuannaarutigisorujussuuarput inuusuttut arfinillit AWG 2012-imut peqataasussat nassaarigatsigit. Tamarmik immikkut piginnaassaminnut pikkorissorujussuupput, periarfinneqarlutik "eqqumiitsuliornermik inuussutissarsiuteqarnermut" ingerlariaqqinnissamut, Leise Johnsen, oqarpoq.

Inuusuttut arfinillit AWG 2012 peqataasussat:

Pauline Kristiansen 17 ukiulik, Nuussuaq/Upernavik
Alberthine Frederiksen 16 ukiulik, Iginniarfik/Kangaatsiaq
Nicholas Høegh Hornum, 14 ukiulik, Nuuk
Sikkerninnguaq Kleist 19 ukiulik, Nuuk
Inunnguaq Johansen 19 ukiulik, Nuuk
Nina Kristoffersen 16 ukiulik, Nuuk

Ruth Montgomery-Andersen, aammaarluni isiginnaartitsivimmi eqqumiitsuliornermik aqutsisuussaaq, 2012-mi takutinneqartussaq atserneqarsimavoq ”My Home is the Home of Peace”. ("Angerlarsimaffiga eqqissinerup angerlarsimaffigaa")


Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER