Ajorsartut ajugaasut

Juulli sioqqullugu Danmarkimi assammi arsarnermi unammiuaarnerit kingulliit 1. divisionini ingerlanneqarmata kalaallit unammisartui ajorsartoqarlutillu ajugaasortaqarput

Saamimmit Minik Dahl Høegh, Akutaaneq Kreutzmann aamma Jakob Larsen tamarmik 1. divisionimi arsartarput. Angutimmarik Kreutzmann sverigemi OV Helsingborg aamma Rasmus Larsen i HC FYN 2. divisionimi. Assi toqqorsivimmit: Knud Fl. Larsen

Odder Håndbold, Aqqaluk Sørensenip arsaqataaffigisartagaa, Odder Arenami TMS Ringstedimut unamminermi 33 - 31 ajugaapput.

Vejlemi Akutaaneq Kreutzmannip arsaqatigisartagaasa Vejle Håndboldip angerlarsimaffianni unamminermi illoqarfimmiut ajorsarput. Unamminermi isertitakeqisumi Ajax København illoqarfiup pingaarnersaanut angerlarpoq 19 16-imik ajugaalluni.

HC Fyn Lollandimi Team Sydhavnsøerne Maribop timersortarfiani ulikkaaqqasumi unammivaat. Oqartoqarsinnaavoq holdit unammisut tamarmik immikkoortortamik ataatsimik tamarmik ajugaasut. Siulleq angerlarsimallutik unammisut aappaallu HC Fynip. Taamaattumik unammineq 24 - 24-mik nammassimmat naapertuuttutut taaneqarsinnaavoq. Angerlarsimallutik unammisut Minik Dahl Høegh periarfissinngingajappaat. Minik Dahl Høegh pingasunik isertitsivoq, 1. divisionimi isertitsinerpaatut suli inissisimalluni.

Kalaallit assammik arsartartut eqqasuuteqaratik juullimi sulinngiffeqarsinnaalerput, tamarmik nalunngilaat kalaallit assammik arsartartut ataqqineqarnerannut angisuumik peqqutaaqataallutik.

1. divisionimi suli Ribe-Esbjerg 26 pointeqarluni siuaqqavoq. GOG nr. 2, 22 point. Odder Håndbold nr. 3-ivoq 20 pointeqarluni aamma HC Fyn, nr. 4, 19 pointeqarluni.

Powered by Labrador CMS