Ilulissani orpik kissaateqarfissaq
Meeqqat immikkut pisariaqartitsisut ikiorserneqarnissaannut suliniarne Ilulissanut aamma pivoq. Pisiffimmi orpik kissaateqarfissaq napparneqarmat
Annonce
- Uagut aamma orpimmik kissaateqarfissamik suliaqarpugut, Susanne Petersen, Kristine Thomsen aamma Lisbeth Kristensen tusagassiivinnut allapput.
Orpik kissaateqarfissaq Pisiffimmiippoq tassani nivingasumik uummataasamik tigusisoqarsinnaalluni. Uummataasami meeqqap suiaassusia, ukiui aamma kissaatai allassimapput. Imaaliortoqassaaq, uummataasamik tiguseriarluni, poortukkamik piseriarluni poortugaq poortorneqassaaq. Tamatuma kingorna uummataasaq poortukkamut iverteriarlugu World of Greenlandimut tunniunneqassaaq.
Poortukkamik tunniussivissaq kingulleq decembarip 23-at nal. 12.
Orpimmik kissaateqarfimmik isuma Nini Biilmannip aallartitaraa. Orpiit taamaattut Nuummmi, Qasigiannguani maannalu Ilulissani nassaassaapput.