Skip to main content

Katsorsaaneq nunatsinni tunngaveqartoq

Namminersorlutik oqartussat imigassamut katsorsartinnermut atatillugu Katsorsaavimmik isumaqatigiissuteqarput 

Peqqinnissaqarfimmi tamanut ammasumik suliariumannittussarsiuussisoqareerneratigut peqqinnissaqarfiup imigassamut katsorsartinnissamut ingerlannissaanut Katsorsaavik isumaqatigiissuteqarfigaa, peqqissutsimut naalakkersuisoqarfimmit nalunaarutigineqarpoq. 

Peqqinnissaqarfimmi imigassamut katsorsaasarneq suliariumannittussarsiuuppaa, pisariaqartitsinermik tunngaveqartumik neqeroortoqarnissaa kissaatigineqarmat. 

Suliassaq neqeroorfigineqartussa imaappoq: 
- nunatsinneersunik amerlanernik neqerooruteqarsinnaanerup qulakkeernissaa 
- nunatsinni tunngaveqartumik ingerlatsinissap qulakkeernissaa 
- nunatsinni katsorsaanerup kingorna neqeroorutissanik pilersitsinissaq 
- iliuuseqarneq katsorsaanissamut arlalinnik naammassinnissinnaanissaq, ilaatigut meeqqanik, inuusuttunik, naartusunik ilaqutariinnillu 
- aaqqissuussamik paasissutissanik katersinissap sunniutaasullu nalilersornissaasa qulakkeernissaat

- Peqqinnissarfik taamatut isumaqatigiissusiornermi qulakkeerneqarpoq kissaatit pisariaqartitsinerillu siuliani taaneqartut naammassinneqarnissaat, aammalu neqeroorutit nunatsinni tunngaveqarnissaat. Aamma isumaqatigiissutigineqarpoq namminersorlutik oqartussat tassanilu ingelratsiviit, kommunit suliffeqarfiillu nammineertitat assigiimmik akiliillutik katsortartissinnaanissaat, peqqissutsimut naalakkersuisoqarfimmit nalunaarutigineqarpoq. 

Imigassamut katsorsaanissat nunatsinneersut qulit 
- Isumaqatigiissut nutaaq saqqummiussinnaagakku nuannaaqaanga. Isumaqatigiissusiornikkut qulakkeerneqarpoq ukiut tamaasa nunatsinni imigassamut katsorsartinnissat qulit pilersinneqassammata, Nuummilu ataavartumik katsorsartinnissamut neqerooruteqalerluni. Katsorsartinnissat tamarmik ilaqutariinnut, meeqqanut, katsorsartinnerullu kingorna neqeroorutinik ilaqassapput, kiisalu kommunini sulisut pikkorissarnissaannut neqeoortoqarluni, aqutsisoqarfimmi pisortaq Kurt Nielsen allappoq.

- Isumaqatigiissutip nutaap kommuninut saqqummiunnissaa qilanaaraara, isumaqarama taamatut isumaqatigiissusiornikkut kommunit kissaaterpassuit naammassineqarsinnaalissasut, Kurt Nielsen oqarpoq.

Isumaqatigiissut ukiortaami 2012-mi atuutilissaaq marsip 31-anut 2014-imut atuutissalluni. Inuit maannakkut katsorsartittut imaluunniit ukiortaartinnagu katsorsartinnissaminnik eqqarsaateqartut maannakkut katsorsartinnissamut neqerorutit naapertorlugot katsorsartissapput.

Katsorsaavik aggust 2006-imili pilersinneqarpoq, ulluinnanilu Grethe Kramer Berthelsenimit aqunneqarluni.

 

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER