Skip to main content

Silap allanngoriartornera inooqataaffissaavoq

Silap pissusaa pillugu oqallinnermi Kalaallit Nunaat eqqugaasutut pineqarpoq. Kalaallillii nammineq suliffissuarnik siuariarnissamillu pilersitsinissamik tunaartaqarput 

Silap pissusaanut sorsuuteqartutut Inuk tassaagajuttarpoq Inuk nannunik kaattunik unguneqarsimasoq sermersuarmit sukkaqisumik aakkiartortumit qimaasoq, taamaalillunilu kulturia imaanut kivilerluni, aammali ilisarnaatigitinneqartarluni silap pissusaa annaanneqassappat nunarsuarmioqatigiit iliuuseqartariaqarnerannut.  

Kalaallilli taamatut nittarsaanneqarnissartik kissaatiginngilaat. Nammineq qanga piniartutut inuuneqarneq qimanniarsaraat, suliffissuaqarneq aningaasatigut imminut napatissinnaasoq pilersinniarsaralugu, isumaqaratillu silaannaap allanngoriartornera inunnit pilersitaasoq. 

Taama allappoq videnskab.dk.

- Silap pissusaa pillugu sorsuuteqarnermi Kalaallit Nunaat ilisarnaatitut atorneqarajuttarpoq. Kalaallilli allatut pingaarnersiuisarput. Isumaqatiginngilaat silaannaap kissatsikkiartornera taamaallaat inunnit pilersinneqarsimasoq, aatsitassarsiorneq uuliasiornerlu illersorlugot inuutissarsiornemik aallartitsinissaq siunertaralugu, ph.d. Lill Rastad Bjørst oqarpoq.

Ph.d.-ngorniarluni allaaserisamini ’Arktiske diskurser og klimaforandringer i Grønland’, Institut for Tværkulturelle og Regionale Studier Københavns Universitetimi illersukkamini Lill Rasted Bjørstip ilaatigut misissorpaa marloqiusamik inissisimanera, nunasuarmi tamarmik silaannaap kissatsikkiartorneranut ilisarnaatigut, nunarsuullu immikkoortuatut ineriartornissamik aninsaasatigullu namminersulernissamik kissaateqartut. 

Lill Rastad Bjørstip silap pissusaa pillugu suliaqartut arlaallit apersorsimavai ilaatigut Kalaallit Nunaanni misissuilluni, 2009-milu Københavnimi silap pissusaa pillugu ataatsimeersuarnerup ingerlanneqarnerani. 

- Kalaallit misigisimavaat silap pissusaa pillugu oqallinnermi soqutigisatik puigorneqartut. Naalannersuinermik suliallit, ilisimatuut, tusagassiuutit suliniaqatigiiffiillu oqallinnermi nannut ilulissallu salliutippaat, Issittorlu inuerutilersutut takutinnartarlugu. Kalaallit naalakkersuinermik suliallit arlaleriarlutik oqartariaqarsimapput, taamaallaat nannut ilulissallu pineqanngimmata, aammali Issittumik inoqarmat, qanoq inuunissaminnik kissaateqartunik nunagisaminnilu pisuussutit atornissaannut allannguinissamullu pisinnaatitaaffeqartut, Lill Rastad Bjørst oqarpoq.

Kalaallit suliffissanik suliffissuarnillu pilersitsinissaq pingaartinneruaat, soorlu aatsitassarsiorfiit uuliasiornerillu silaannaap kissakkiartorneranik akiuniarnerminngaaniit.  

Kalaallit Nunaanni silamut atatillugu paasinninneq silaannaap allanngoriartornerata inunnit pilersinneqartuuneraniit allarluinnaavoq. 


Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER