Skip to main content

Toqussangaleraluarpunga

 Taama oqarpoq Doris Jakobsen tupassimaqisoq, Savalimmiuni paasissarsiorluni angalanermini anorersuarsiortoq

 

Inatsisartut inatsiseqarnermut ataatsimiititaliaat makkuninnga inuttaqartoq Storm Ludvigsen, Anda Uldum, Kristian Jeremiassen aamma Doris Jakobsen, aammalu atorfilittat marluk Savalimmiuni angalaartillutik inuunerat ulorianartorsiuleraluarput.

Sisamanngornermi Tórshavnip eqqaani qaqqami parnaarussiveqarfiliassallutik anorersuarmit pakasarneqarput.

- Parnaarussiviup minibussianut ilaalluta piffissap ilaa isigisaaruppugut. Arriitsoralaannguamik ingerlavugut aquttorput Stormimit (Storm Ludvigsen aaqq.) aqqutissiuunneqartarluni, taassuma igalaaq ammarlugu isiginiarsarisoq, Doris Jakobsen tupassimaqisoq sermitsiaq.ag'mut oqaluttuarpoq.

Angalaqatigiit ikiortissarsiniarlutik sianerput politikkerillu ajornartorsiortut ikiortissaat bulldozeri takkuppoq. 

- Tunuporsorluta ajutoorpugut, bulldozeri aporparput biilillu igalaava tunorleq aserorluni.

- Meeqqakka inuttullu sillimmasersimanera eqqarsaatigaakka, isumaqaleraluarpunga toqussallunga kisimalu taama eqqarsarsimanngilanga, Doris Jakobsen oqaluttuarpoq.

 Parnaarussivimmut pulaarnissaq taamaatiinnarneqarpoq politikkerillu Tórshavnimut tallimat eqqaanni uterput. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER