Skip to main content

Juullertinnagu aningaasarsisoqassaaq

Illuatungeriit isumaqatigiipput isumaqatigiissitsiniarnikkullu suliaq taamaatiinnarneqarpoq

 

Juullimi akissarsititsinermik taagorneqartoq pillugu suliami illuatungeriit maanna isumaqatigiissuteqarput. Taamaalilluni isumaqatigiissitsiniarnikkut suliaq siumut kalerriutigineqartoq taamaatiinnarneqarpoq.

Taamalu isumaqatigiissitsiniarnikkut suliaq unitsiinnarneqarluni, taama aningaasaqarnermut naalakkersuisoqarfik tusagassiivinnut nalunaaruteqarpoq.

 

Isumaqatigiissitsiniarnikkut suliamik SIK aallartitsisuuvoq. Suliap juulli 2011 nallertinnagu naammassineqarsinnaannginnera pissutigalugu decemberimi akissarsiassat juullertinnagu tunniunneqarnissaannik SIK-p eqqartuussissuserisortik aqqutigalugu piumasaqarsimapput. Tamanna Naalakkersuisut itigartissimavaat.

 

Kisiannili Naalakkersuisut tunngaviatigut aaqqiagiinngissutit illugiilluni oqaloqatigiinnikkut qaangerneqartarnissaannik kissaateqarmata isumaqatigiittoqarnissaanik Naalakkersuisut SIK-mut neqeroorput. Isumaqatigiissuteqarnerup kinguneraa SIK-p kattuffiillu tapersersuisuusut IMAK, AK, PIP aamma PPK tamarmiullutik Naalakkersuisut isumaqatigimmatigit decemberimi akissarsiat siunissami decemberip naanerani tunniunneqartalissasut, peqataanillu isumaqatigiissitsiniarnikkut suliaq taamaatiinnarneqarluni. Akerlianik Naalakkersuisut akuersipput 2011-mi decemberimi akissarsiat juulli sioqqullugu kingullerpaamik tunniunneqassasut, tusagassiivinnut allakkami erserpoq.

- Isumaqatigiissut siunissami akissarsiat nalinginnaasumik tunniunneqartalernissaannik angusaqarfiusoq anguneqarmat Naalakkersuisut naammagisimaarpaat. Namminersorlutik Oqartussat suliap juullertinnagu naammassineqarnissaa misilissimavaat, tamannali pisinnaanngimmat isumaqatigiissuteqarnissaq anguniarsimavarput. Suliap isumaqatigiissitsiniarneq aqqutigalugu sivisuumik suliarineqarnissaa Naalakkersuisut kissaatigisimanngilaat, tamanna peqataasunut aningaasartuutitigut artukkiissammat. Pisortat aningaasaataannik ajunnginnerpaamik atuisinnaanissaq pingaarnertut siunertaajuarsimavoq. “Juullimi akissarsiat” tunniunneqartarnerat immikkut aningaasartuuteqarnermik kinguneqartarpoq. Tamanna 2012-imi unissaaq, Naalakkersuisullu nuannaarutigaat piffissamut ungasinnerusumut aaqqiissutissamik angusaqartoqarmat allaffissornikkut pisariinnerusumik ingerlatsilernissamik qulakkeerinnittumik. Aningaasaqarniarnerput tamaviaarnarpoq, akisussaassuseqartumillu iliornissarput pisariaqartilluinnarparput” Aningaasaqarnermut Naalakkersuisoq Maliina Abelsen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER