Juullip inua internetsikkut

Juullip inua internetsikkut attaveqalermat illit aamma immikkut allagarsisinnaavutit

Kalaallit Nunaanni juullip inuaniit elektroniskimik allagarsisoqarsinnaanngorpoq. www.santa-greenland.com-imiit assilisaq.

Meeqqat Juullip inuaniit elektroniskimik allagarsitissinnaavat. Nittartakkami www.santa-greenland-imi atuisartut periarfissaat annertusarneqaleruttorput.

Juullip inuaniit elektroniskimik allagarsisinnaaneq alloriarnerit siullersaraat.

Sisimiuni nittartakkanik ilusilersuisartoq, Ulrik Motzeldt, Santa-greenland.com-ip pilersinnissaanut suliniuteqartoq imatut allapput:

- Juullip inuaniit allagarsisinnaaneq ataasinngornermi decembarip tallimaanni 2011 atulersinneqarpoq, mannalu tikillugu allakkat 34-t nassiunneqareersimapput. Allakkat amerlanerit Kalaallit Nunaanniit Danmarkimiillu allagaapput. Kisianni aamma Jugoslaviamut allakkanik nassiussuisoqarpoq.

Allakkat saniatigut juullernissaanut ullut kisinneqarput. Juullip qaammataani pitsaanerpaamik kissaallusi HO HO HO !

Powered by Labrador CMS