Skip to main content

Unamminiviit aallartipput

Brasiliami VM'imi unamminerni ajugaaffigisassatut ilippanaatilinnut unamminerit marluk ingerlatereerlugit Kroatia tullinnguuppoq

Danmark pilersaarutigineqartutut puljemi anngunniunnernik ingerlatsivoq. Siullermik Uruguayimut 36 - 10-mik ataasinngornermi ajugaapput, Argentinamut 31 - 13-imik ajugaallutik. Marlunngornermi unnukkut Kroatiamut unammillivittussaapput.

Kroatiamut unamminerup kingorna danskit nunanut allanut unammisartuisa - ajoqqusertunik nalaataqaqattaartup - qanoq pitsaatigineri aatsaat paasinarsivissaaq. Rikke Skov, Mie Augustesen, Lærke Møller, Camila Dalby aamma Kamilla Kristensen, tamarmik immikkut malunnaateqartartut unammersuarnermi peqataasinnaanngillat akornusersimanertik pissutigalugu. Soorlu taakku naammanngitsut, Argentinamut unamminermi Maibritt Kviesgaard seeqquminik annerluni - unammersuarnerup sinnera peqataasinnaajunnaarpoq.

Kamila Kristensen, HC Odense'p titarnerup sinaani arsartartua soorunami ajugaanerit marluk nuannaarutigai.

- Odensemi angerlarsimalluni Brasiliami VM'ertut isiginnaarlugit ilaasinnaanani immikkuullarippoq. Ukiuni arfinilinni nunanut allanut unammisartut ilagaannga nalunagulu, pissartanngorniunnerit naajartorneri qanoq pikkunartigisut. Maanna sofaminngaanniit neriulluaannassaanga.

- Danmarki pitsaanerpaat arfineq-marluk akornanni inississinnaasaassasoq neriuppunga. OL'imut peqataanissamut piumasaqaammik killissarititaq.

- Achillessenennik ajoqqusernera qaangerniarsarivara. Sapaatip akunneri pingasut matuma siorna qapitippunga pitsanngoriartorpasippoq, sap. ak. sisamat uninnareerlunga marlunngorpat sungiusarngaassaanga. 

Danmark - Kroatien, unamminerup kingorna puljami Elfenbenskysten aamma Sverige unamminissasa tungaanut ulloq ataaseq qasuerserfiussaaq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER