Skip to main content

Politiinit

Sapaatip akunnerani qaangiuttumi Nuummi politiit angerlarsimaffinni eqqissiviilliornerit persuttaanerillu arlallit suliaasa ilaannaraat

Nuummi politiit sapaatip akunnerata iluani allattugarisimasaat atuarlugit imaannaanngillat.

Soorlu pigaartup Carl Sværdip oqaatigigaa: Nuummi politiit sapaatip akunnerani ulapeqaat, imigassaq pissutaalluni politiit arlalippassuariarlutik akuliuttariaqarsimapput

Angerlarsimaffinni eqqissiviilliornerit amerlasimaqaat aamma persuttaanerit amerlaqaat, juullip qaammataa nuannaarfiusussaagaluarpoq eqqissisimaarfiullunilu.

Pisut makku Nuummi politiinut nalunaarutigineqarsimapput:

· Imminut toqunnissaminut siorasaarisoq ataaseq

· Qatserisartut politiillu ikuallattoqarnerani sisamariarlutik kalerrinneqarput, qujanartumilli ikuallattoqarsimanngilaq
· Angerlarsimaffinni eqqissiviilliornerit 17'it, taakkunanit inuk ataaseq aalakoorpallaarnini pissutigalugu tigusarineqarpoq isertitsivimmi unnuisinneqarluni
· Angerlarsimaffinni meerartalinni eqqissiviilliornerit sisamat
· Imaani annaassiniaaneq ataaseq. Aalisariut pingasunik issimasulik motoreqarfiani immattuuleraluarmat qujanartumik kutterip alla ikiuussinnaasimavoq, kingorna aalisariut nammineq Nuummut ingerlasinnaasimavoq.

· Aqqusinermi angallannermi sisamariarluni aalajangersimasumik anguniagaqarluni misissuisoqarmat aqqanillit suliassiissutigineqarput, ilaatigut kørekortimik nassanngitsut, qitequsersimanngitsut, biilernermilu allagartamik arsaagaareernikuulluni biilertoq, taanna 2.000,- koruuninik akiligassinneqarpoq.  

· Inuk "silappeertoq" pillugu marloriarluni nalunaarutiginnittoqarpoq, tarnimigut napparsimasoq ilisimaneqartoq toqqissisimananngitsumik pissusilersormat politiit aggertittariaqarsimagamik.
· Aalakoorpallaartut arfinillit
· Aqqusinerni eqqissiviilliornerit arfineq-marluk, taakkunannga marloriarluni politiit tigusarinnittariaqarsimapput 
· Atorfiliup suliaminik ingerlatsinerata nalaani peqqarniisaartoq ataaseq nalunaarutigineqarpoq
· Persuttaasunik nalunaarutiginninnerit tallimat, taakkunani politiit marloriarlutik tigusarinnittariaqarsimapput. Persuttaanermik suliami ataatsimi angerlarsimaffimmi eqqissiviilliortunik akornusiineq aamma qunusitsineq tunngavigalugu suliaq ataaseq ingerlateqqinneqassaaq 
· Tillinniarnerit 17-it, ilaatigut oqaatigisariaqarpoq umiatsiaaraatillit umiatsiaaraataannit benzinamik tillinniarnerit ilimagineqarmata tillinniat biilinut orsussatut atugassaminnik tigusisartut benzina uuliataqanngitsoq ujarneqartarmat

· Biilimik ataatsimik aserorterineq
· Biilimi usisaammillu tillinnerit marluk 
· Imigassartorsimalluni aqqusinerni ingerlasut pingasut, ataaseq aalakoorluni scooterertoq.

Sapaatip akunnerata ingerlanerani marloriarluni eqqartuussivimmut sassartitsisoqarpoq, pineqartut tamarmik tigummigallagassanngortinneqarlutik (Namminersorlutik oqartussani tillinniaq aamma ikiaroornartunik tunngassutilik.)

Carl Sværd aamma biilertunut ilisimatitsivoq illoqarfiup aqquserngani biilinik ingerlatsisut misissorneqarnissaat naatsorsuutigineqartariaqartoq.

 

 

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER