Fjersynersinnaajunnaarsinnaavutit

Analogikkut aallakaatitsissutip qaminneqarfissaani januaarip qulingiluaanni 2012 najugaqaruit, pingaaruteqarpoq, digitalimik nassitsissummik tigooraasinnaanerit fjernsynertuaannarsinnaarusukkuit. Taama namminersorlutik oqartussani Attaveqatigiinermut immikkoortortaqarfik tusagassiivinnut nalunaarpoq.

Aallakaatitsissut digitaliusoq atuutilersinneqareerpoq sumiiffinni analogimik aallakaatitsissutip qaminneqarfissaani. Suli digitalimut nuussimanngikkuit ingerlaannartumik taamaaliorsinnaavutit, januaarip qulingiluaat 2012 utaqqeqqaanngikkaluarlugu.

KNR-TV digitalimik aallakaatitsivoq

Amerlanerpaat antennamik nutaamik tigooraasummik tassa dekoderimik pissarsisariaqassapput. Taakkununnga aningaasartuutit 500-600 koruunit missaanniissapput, namminersorlutik oqartussat tusagassiivinnut allapput.

Atortorissaarutit suut pissarsiarissaneritit fjernsynivit qanoq ittuuneranut aammalu antennaqarfissi qanoq ittuuneri apeqqutaapput. Antennamik aamma tigooraassummik pissarsinialersinnak pingaaruteqarpoq paasiniarluassagit atortut sorliit illit pisariaqartinneritit. Nalorniguit radionik tv-nillu tuniniaasut saaffigikkit.

Fjernsynit fladskærmit MPEG-4'llit tigooraassutitaqareersut

Taamaattoqaruit tigooraassutisissanngilatit kisianni antennamik pissarsissaatit.

Antenna attaveqalerpat KNR ingerlaannaq ersissaaq. Taamaasiunngippat fjernsynit kanalinik digitaliusunik ujaasitissavat imaluunniit tigooraasummi ilitsersuut malillugu iliorit.

Billedrørsfjernsynit (fjernsynit pisoqqat) imaluunniit fjernsynit fladskærmiusut MPEG-2-nik tigooraassutillit

Tigooraassummik aamma antennamik pissarsissaatit.

Tigooraassut antennalu ikkuppata KNR ingerlaannaq nuissaaq. Taamaasiunngippat fjernsynit kanalinik digitaliusunik ujaasitissavat imaluunniit tigooraasummi ilitsersuut malillugu iliorit.

Tigooraassutit

Pinngitsoornat tigooraassutisisariaqaruit pingaaruteqarpoq ilisimassallugu KNR'imik isiginnaarsinnaanermut suut immikkut saniatigut pisiarisariaqannginnersut, namminersorlutik oqartussat tusagassiivinnut allapput.

Tigooraassutit tamarmik tv'mik nassitsissummik tigusisinnaasumik MPEG-4 peqartut, tv digitaliusoq tigoorarsinnaavaa. TV'ikkut aallakaatitat immikkut nalunaaqqusersugaanngillat, taamaattumik tigooraassutit kortitaqarnissaat pisariaqanngillat.

Alle modtagerbokse, der kan modtage tv-signal i MPEG-4-format, kan modtage det nye digitale tv-signal. Tv-signalet er ikke krypteret. Det er derfor ikke nødvendigt, at modtagerboksen har en kortlæser.

Namminersorlutik oqartussat inissiaatileqatigiiffiata INI A/S'ip ineqarfiutaanni tigooraassutit pisiarineqarnikuupput. Namminersorlutik oqartussat inissiaataanni najugaqaruit nammineq tigooraassummik pisiniarnissat pisariaqanngilaq, INI'mut saaffiginniinnassagavit. Uani annermik paasisaqarsinnaavutit: www.ini.gl

Antenna

Maannamut antenna analogiusoq atorsinnaanngilaq. Imaassinnaavoq nassitsissut digitaliusoq illit fjernsyninnut annguttoq kisiannili assitai pitsaanngippata antennasisariaqassaatit.

Amerlanerpaartaatigut inimi atorsinnaasumik antennamik pissarsineq naammappoq. Ilaannulli silataatigut antennalernissaq pisariaqarsinnaavoq.

Pisariaqanngitsunik aningaasartuuteqannginnissat anguniarlugu eqqaamiutit suleqatitilluunniit qanoq iliorsimanerannik apersukkit imaluunniit radionik tv'nillu tuniniaasunut paasiniaaqqaarina antennamik nutaamik pisinialinnginninni.

Piginneqatigiilluni inissiani najugaqaruit ataatsimut antenneqarfeqalersinnaanerlusi misissoruk.

Tamanna pillugu annermik uani paasisaqarsinnaavutit: www.tvnutaaq.gl

Januaarip qulingiluaat 2012 aallakaatitat analogiusut najugaqarfinni makkunani matuneqassapput:

Aappilattoq (Nanortalik)
Akunnaaq
Alluitsup Paa
Ammasivik
Arsuk
Atammik
Attu
Eqalugaarsuit
Iginniafik
Ikamiut
Ikerasak
Ikerasaarsuk
Ilimanaq
Iliulissat
Ittoqqortoormiit
Illorsuit
Innaarsuit
Itilleq
Kangerluk
Kangerlussuaq
Kangersuatsiaq
Kangilinnguit
Kangaamiut
Kangaatsiaq
Kapisillit
Kitsissuarsuit
Kullorsuaq
Maniitsoq
Nanortalik
Napasoq
Narsaq
Narsaq Kujalleq
Narsarsuaq
Niaqornat
Niaqornaarsuk
Nutaarmiut
Nuugaatsiaq
Nuuk
Nuussuaq
Naajaat
Oqaatsut
Paamiut
Pituffik
Qaqortoq
Qasigiannguit
Qassiarsuk
Qassimiut
Qeqertaq
Qeqertarsuaq
Qeqertarsuatsiaat
Qaanaaq
Saqqaq
Sarfannguit
Savissivik
Sisimiut
Saarloq
Saattut
Tasiilaq
Tasiusaq
Tasiusaq
Ukkusissat
Upernavik
Upernavik Kujalleq
Uummannaq